Sent-Colomban-dus-Velârs

Sant-Colomban-dus-Velârs

Cél articllo ’l est ècrit en arpetan velarenc / ORB sarrâye.

Por los articllos homonimos, vêde Velârs.

Por l’articllo en CFLL, vêde Sin-Kolonban-dou-Vlâr.

Sent-Colomban

[sɛ̃ kɔ.lɔ̃.ˈbã]

L’égllése Sent-Colomban a l’entrâ du velâr Lo Centro.

Gentilyiço

Por lo velâjo :
Colognon, Cologneen ORBKolonyon, Kolonyeen CFLL

Por la valâ :
Velarenc, Velarencheen ORBVlârin, Vlârinsheen CFLL

Colognon, ColognonneetVillarin, Villarincheen francês

Noms arpetans

Fôrma longe
en ORB sarrâye

Sent-Colomban-dus-Velârs

[sɛ̃ kɔ.lɔ̃.ˈbã du vlɑːr]

Ôtro nom arpetan

Sant-Colomban-dus-Velârs

[sã kɔ.lɔ̃.ˈbã dy və.ˈlɑ]

En CFLL

Sin-Kolonban-dou-VlâretSan-Kolonban-du-Velâ

En tèrrachu

Saint-Eclipse^[1]

Noms ètrangiérs

Nom latin (racena)

Sānctī Cŏlumbānī dē Vīllārīs

Nom francês

Saint-Colomban-des-Villards

Nom étalien

San-Colombano-dei-Villari

Administracion

Règion
culturâla

Arpetania

Règion
historica

Savouè(en Môrièna)

Payis

France

Règion

Nom de règ·ion ou de colèctivitâ mâl-rèdigiê ou ben absent por nen savêr més cllicâd-ique ou ben por l’outre-mar cllicâd-ique. Per dèfôt, la mapa de g·eolocalisacion est cela de la France mètropolitana.

CC Canton de La Chambra

Sendeco
Mandat

Pierro-Ivo Bonivârd
2020-2026

Code postâl

73130

Code comena

73230

Dèmografia

Populacion
municipâla

132 hab. (2019

)

Densitât

1,6 hab./km²

Geografia

Coordonâs

45° 17′ 42″ bise, 6° 13′ 38″ levant

Hôtior

Min. 955 m
Max. 2 908 m

Supèrficie

81,12 km²

Tipo

Comena campagnârda

Sôl d’atraccion

Comena en defôr de l’atraccion de les veles

Èlèccions

Dèpartamentâles

Canton de Sent-Jian

Lègislatives

3^éma circonscripcion

Localisacion

Geolocalisacion sus la mapa : Ârvèrgne-Rôno-Ârpes

Sent-Colomban

Geolocalisacion sus la mapa : Savouè-d’Avâl

Sent-Colomban

Geolocalisacion sus la mapa : France

Sent-Colomban

Geolocalisacion sus la mapa : France

Sent-Colomban

Lims

Seto Vouèbe

saint-colomban.com

Sent-Colomban-dus-Velârs^{[N 1]}^,^{[V 1]} [sɛ̃ kɔ.lɔ̃.ˈbã du vlɑːr]^[2]^,^[3]^,^[4] ^{(Acutâd en patouès)} (Saint-Colomban-des-Villards en francês) ou ben d’habituda Sent-Colomban^{[N 2]} [sɛ̃ kɔ.lɔ̃.ˈbã]^[2] ’l est na comena francêsa et arpetanna^{[V 2]} de la Bâssa-Môrièna en Savouè, que sè trôve en vâr Gllandon^{[V 3]} dedens lo dèpartament de la Savouè-d’Avâl en règion Ôvèrgne-Rôno-Ârpes.

La comena ’l est cognua coment lo « brés dus petiôts-ramonors de Savouè ». D’hivèrn, dessus los tèrrens a l’envers de la comena sè trôve la stacion de squi de Les Siéx-bèles.

Los habitents du velâjo s’apèlont los Colognons [lo kɔ.lɔ.ˈɲu] et les Colognes [le kɔ.ˈlɔ.ɲə]^{[N 3]}^,^[2]. S’apèlont asse-més — ensemblo avouéc celos de Sent-Alban — los Velarencs [lo vlɑ.ˈrɛ̃] et les Velarenches [le vlɑ.ˈrɛ̃.θə]^{[N 4]}^,^[2].

Geografia

Localisacion

Sent-Colomban ’l est placiêe dedens la valâ dus Velârs en Bâssa-Môrièna, que sè trôve u sud-ouèste de la Savouè. L’adrêt de la comena ’l est dedens la chêna de Bèladona.

Endrêts et cârros

La comena de Sent-Colomban rassemble cetos velârs :

La Châl^{[T 1]}^,^[2] (La Chal en francês) a 1 195 m d’hiôt
Lo Châthelèt^{[T 2]}^,^[2] (Le Châtelet en francês)
Lo Centro^{[N 5]}^,^{[T 3]}^,^[2] (Le Chef-Lieu en francês) a 1 103 m d’hiôt
La Chenâl^{[T 4]}^,^[2] ou ben La Chenâne^{[T 5]}^,^[2] (Lachenal en francês) a 1 114 m d’hiôt
Nantchanu^{[T 6]}^,^[2] (Nanchenu en francês)
La Piérra^{[T 7]}^,^[2] (La Pierre en francês)
Los Ponts^{[T 8]}^,^[2] (Le Pont en francês)
Les Rueches^{[T 9]}^,^[2] (Les Roches en francês) a 1 248 m d’hiôt
Vârmôra^{[T 10]}^,^[2] (Valmaure en francês) a 1 208 m d’hiôt
Lo Velâr^{[N 6]}^,^{[T 11]}^,^[2] (Le Villard-Martinan en francês)

Comenes vesenes

Lo tèrritouèro de Sent-Colomban est vesin de celos de siéx ôtres comenes :

Comenes vesenes de **Sent-Colomban**
Le Hiôt-Brèdâs (Isera)		Sent-Alban
Le Hiôt-Brèdâs (Isera)		Fontcuvèrta
	Vârjânin (Isera)	Sent-Sorlin

G·eologia et relièf

La vâr Gllandon ’l est gratâye per l’égoua du Gllandon, que ’l at na longior de 20,4 kilomètros, avouéc per la moyenna na largior de 10 a 12 kilomètros en vôlo d’usél. Les plés grantes égoues de Sent-Colomban, sèparâyes per lo massis de Bèladona, colont dens doves dirèccions complètament oposâyes : lo Gllandon mode de vers la bise et l’égoua d’Ôla cole de vers lo mié-jorn^[5].

Tot pariér, la vâr Gllandon est na zôna yô que nos trovens grôssament de lops^[6].

Cllimat

Toponimia

Lo nom de la comena ’l est ècrit « Saint-Colomban-des-Villards » en francês (que sè prononce Sin-Kolomban-dé-Vilàr), « Sent-Colomban-dus-Velârs » en arpetan velarenc^[7] (que sè prononce Sin-Kolonban-dou-Vlâr) et pués en arpetan supradialèctâl « Sent-Colomban-des-Velârs »^[8] (que sè prononce Sin-Kolonban-dé-Vlâr). En étalien ècrivont « San Colombano dei Villari » (que sè prononce San Colonbàno dei Vilàri)^[8]. Vint du nom latin SANCTI COLUMBANI DE VILLARIIS.

U comencement, cen fét ben grant-temps, les doves comenes velarenches érant ben rèunies dedens ren qu’un tèrritouèro d’amont Cuéna. La vielye égllése de Sent-Colomban ’l ére vêr la solèta. Ples târd, avouéc lo dèsacôrd de la populace, l’èluegnement et pués les dificultâts de les comunicacions, fesiant la crèacion de les doves paroches en vâr Gllandon. Cen fét vêr l’origina dus noms : Sent-Alban et Sent-Colomban, pués châque paroche avêt son prôpra égllése.

Lo nom Sent-Colomban vint de Sanctus Columbanus Luxoviensis (°543 a Navan - † 21 de novembro 615 a Bobbio prés de Plèsence, en Étalia), un mouéno irlandês. Lo nom Velârs vôt dére « un cârro avouéc un mouél de mêsons ; un velâjo ».

Dus côps, ensemblo avouéc Sent-Alban, ’l est asse-ben apelâye tot simplament Los Velârs [CFLL : Lo Vlâr]^[9].

Pendent la Rebênâda francêsa^[10], la comena s’apelâve Glandon en francês, cen que ’l est Gllandon en arpetan, coment lo nom de l’égoua principâla de la comena.

Histouère

Politica et administracion

Lista dus sendecos

Lista dus sendecos^{[N 7]} succèssifs
Temps	Identitât

1862 - 1865	Pierro-Francês Parêt
1865 - 1871	Sorlin Cuénat-Guèrra
1871 - 1875	Louis Frasson-Boton
1875 - 1880	Sorlin Martin-Cochèt
1880 - 1881	Louis Frasson-Boton
1881 - 1896	Jâque-Emanuél Martin-Cochèt
1896 - 1900	Emanuél Tardi
1900 - 1912	Benêt Martin-Culèt
1912 - 1919	Josèf Martin-Cochèt
1919 - 1926	Chârlo Parêt-Pintro
1926 - 1935	Emanuél Tardi
1935 - 1945	Chârlo Parêt-Pintro
1945 - 1959	Jâque Tardi
1959 - 1971	Jâque Parêt-Dôdon
1971 - 1983	Francês Martin-Fardon
1983 - 1989	Frèdo Boson
1989 - 1995	Renê Mognér
1995 - 2001	Mœris Boson
2001 - 2008	Renê Mognér
2008 - 2014	Mœris Boson
2014 - ....	Pierro-Ivo Bonivârd
Les enformacions de devant 1862 sont pas més cognues por nos ôtros ique.

Relacions entèrnacionâles

Bessonâjos

Populacion et sociètât

Los habitents du velâjo sont apelâs los Colôgnons et les Colôgnes (Colégnons et Colégnonnes ou ben Colognons et Colognonnes en francês) ou ben, ensemblo avouéc celos de Sent-Alban, los Velarencs et les Velarenches (Villarins et Villarinches en francês).

Dèmografia

Èvolucion dèmografica
1860	v. 1882	1962	1968	1975	1982	1990	1999	2006	2012
1640	?	164	208	161	183	204	195	185	185
Nombro retegnu per l’Insee dês 1990 : populacion sen doblos comptios.

Dens lo mês d’oût (vers lo 15), la comena pôt ben avêr més de 1 000 habitents (contre los 185 per lo résto de l’an).

Lengoues

A Sent-Colomban, prèjont ben doves lengoues et un jargon : lo francês, l’arpetan et pués lo tèrrachu. En Tèrrachu, por pas dére tot drêt « arpetan » ou ben « patouès », la lengoua de payis ’l est asse-ben apelâye « marengouin ». Ben grôssament de noms de famelye et quâsi tôs los noms de cârros sont en arpetan (que ’l est la lengoua de payis), solament doux-três sont en lengoua francêsa (que ’l est la lengoua administrativa).

Èconomia

Cultura locâla et patrimouèno

Endrêts et monuments

Patrimouèno culturèl

La Mêson du Patrimouèno a Vers-lo-Centro : dècuvèrta du patrimouèno locâl. Presentacion dus costumos tradicionèls de la valâ dus Velârs^[11] (manequins, ètofes, broderies et filmo vidèô avouéc) dens un viely et tipico dedens de l’arch·itèctura locâla savoyârda.

Pèrsonalitâts liyêes a la comena

Pierro Boson (1921-1986), g·eografo, profèssor a les Ècoules normales de Privâs pués a l’Univèrsitât de Sant-Etiève.
Jian-Francês Martin-Culèt (1974), jouyor de rugbi a XV.
Cristoflo Hisquin (1978), més cognu coment Dantès, chantior populèro.
Pierro Pomiér, jouyor de rugbi a XV.

Bôna-chiéra

La mâtôlye.

Èvènements

Fèstivâl culturèl FèstiBlanc u mês de mârs organisâ per « Los sons du Gllandon » ;
Lo 15 d’oût, l’Ascension de Noutra-Dama, la ples granta vôga tradicionèla de la valâ dus Velârs ;
La vie fèrrâye « Vers-la-Châl ».

Hèraldica

Galerie d’émâges

Lo col du Gllandon d’ôton.
L’égllése Sent-Colomban dês Vers-lo-Velâr de forél.
La pista de l’Ormèt d’hivèrn.
Un pou aprés Vers-la-Châl en plen hivèrn.

Vêre avouéc

Wikimedia Commons propôse de documents multimèdia libros sus Sent-Colomban.

Bibliografia

Lims de defôr

Notes et rèferences

Notes

↑ Ècrivont « Sin-Kolonban-dou-Vlâr » en grafia de Confllens.
Diont asse-ben Sant-Colomban-dus-Velârs [sã kɔ.lɔ̃.ˈbã dy və.ˈlɑ] d’aprés los patouesants, qu’ècrivont « San-Kolonban-du-Velâ » en grafia de Confllens.
↑ Ècrivont « Sin-Kolonban » en grafia de Confllens.
↑ Ècrivont « lo Kolonyon » et « lé Kolonye » en grafia de Confllens.
↑ Ècrivont « lo Vlârin » et « lé Vlârinshe » en grafia de Confllens.
↑ Cél velâr ’l est lo bôrg de la comena.
↑ Dens lo temps, s’apelâve « Lo Second-Velâr », a côsa que lo velâr du Martinan ’l ére ben pués lo second velâr dus Corgnèts (que ’l est lo nom dus habitents de La Chenâl et du Velâr).
↑ Diont asse-més « mère » (que vint du francês maire) desot l’enfluence de la lengoua francêsa u payis.

Noms d’endrêt

↑ Prononciê [la θa], qu’ècrivont « La Shà » en grafia de Confllens.
↑ Prononciê [lɔ θaθ.ˈle], qu’ècrivont « Lo Shàshelé » en grafia de Confllens.
↑ Prononciê [lɔ ˈsẽ.tro], qu’ècrivont « Lo Sentro » en grafia de Confllens.
↑ Prononciê [la θnɑ], qu’ècrivont « La Shnâ » en grafia de Confllens.
↑ Prononciê [la θnɑːn], qu’ècrivont « La Shnân » en grafia de Confllens.
↑ Prononciê [nã.θa.ˈny], qu’ècrivont « Nanshanu » en grafia de Confllens.
↑ Prononciê [la ˈpjeː.ra], qu’ècrivont « La Pyéra » en grafia de Confllens.
↑ Prononciê [lo pu], qu’ècrivont « Lo Pou » en grafia de Confllens.
↑ Prononciê [le ˈrwɑ.θə], qu’ècrivont « Lé Roâshë » en grafia de Confllens.
↑ Prononciê [var.ˈmoː.ra] ou ben [var.ˈmuː.ra], qu’ècrivont « Varmóra » ou ben « Varmoura » en grafia de Confllens.
↑ Prononciê [lɔ vlɑ], qu’ècrivont « Lo Vlâ » en grafia de Confllens.

Vocabulèro

↑ Varianta velarenche [du] de « des » art mpl.
↑ Varianta velarenche [ar.pə.ˈtã.na] de « arpetana » a f.
↑ Varianta velarenche [var] de « vâl » f.

Rèferences

↑ (fr) Pierro Boson, « Le Pays des Villards en Maurienne », Éditions des Cahiers de l’Alpe, Grenoblo, 1970, p. 276.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 et ^2,14 (fr) Rogiér Virèt, « Dikchonéro Fransé - Savoyâ - Dictionnaire Français - Savoyard » [PDF], 8^éma èdicion reviua et ôgmentâye, mârs 2021, pp. 2920-2921 et 3415.
↑ (fr) Domenico Stich, « Francoprovençal. Proposition d’une orthographe supra-dialectale standardisée » [PDF], Tèsa de doctorat, Univèrsitât Paris-Sorbona, 2001, p. 498 [→ Los Velârs] (fôrma corregiêe : sen la lètra -d- que ’l est pas du tot ètimologica).
↑ (fr) Domenico Stich, « Dictionnaire francoprovençal-français et français-francoprovençal », Tonon, Le Carré, 2003, pp. 177 et 409.
↑ (fr) Favre-Nicol, D. (2012) Le Pays des Villards - Mémoire et Patrimoine. La Fontaine de Siloé, Montmélian.
↑ (fr) Le Dauphiné Libéré - Nouvelle attaque du loup hier, viu lo 18 de jouen 2016.
↑ (fr) Le Dauphiné Libéré - Des panneaux en français et en patois, viu lo 28 d’avril 2016.
↑ ^8,0 et ^8,1 (fr) (frp) « Sent-Colomban-dus-Velârs » sur lo Trèsor Arpetan, viu lo 18 d’avril 2016.
↑ (fr) (frp) « Lé Kmoune in Savoué », viu lo 28 d’avril 2016.
↑ (fr) Commune de Châteauneuf en Savoie - Nom des Communes sous la Révolution.
↑ (fr) Palluel-Guillard, A. (1979) Images de Maurienne - Paysannes de la Vallée du Glandon (pâge 40). Collection Trésors de la Savoie.

[2] Ècrivont « Sin-Kolonban-dou-Vlâr » en grafia de Confllens.
Diont asse-ben Sant-Colomban-dus-Velârs [sã kɔ.lɔ̃.ˈbã dy və.ˈlɑ] d’aprés los patouesants, qu’ècrivont « San-Kolonban-du-Velâ » en grafia de Confllens.

[7] Ècrivont « Sin-Kolonban » en grafia de Confllens.

[10] Ècrivont « lo Kolonyon » et « lé Kolonye » en grafia de Confllens.

[11] Ècrivont « lo Vlârin » et « lé Vlârinshe » en grafia de Confllens.

[bôrg-14] Cél velâr ’l est lo bôrg de la comena.

[23] Dens lo temps, s’apelâve « Lo Second-Velâr », a côsa que lo velâr du Martinan ’l ére ben pués lo second velâr dus Corgnèts (que ’l est lo nom dus habitents de La Chenâl et du Velâr).

[31] Diont asse-més « mère » (que vint du francês maire) desot l’enfluence de la lengoua francêsa u payis.

[12] Prononciê [la θa], qu’ècrivont « La Shà » en grafia de Confllens.

[13] Prononciê [lɔ θaθ.ˈle], qu’ècrivont « Lo Shàshelé » en grafia de Confllens.

[15] Prononciê [lɔ ˈsẽ.tro], qu’ècrivont « Lo Sentro » en grafia de Confllens.

[16] Prononciê [la θnɑ], qu’ècrivont « La Shnâ » en grafia de Confllens.

[17] Prononciê [la θnɑːn], qu’ècrivont « La Shnân » en grafia de Confllens.

[18] Prononciê [nã.θa.ˈny], qu’ècrivont « Nanshanu » en grafia de Confllens.

[19] Prononciê [la ˈpjeː.ra], qu’ècrivont « La Pyéra » en grafia de Confllens.

[20] Prononciê [lo pu], qu’ècrivont « Lo Pou » en grafia de Confllens.

[21] Prononciê [le ˈrwɑ.θə], qu’ècrivont « Lé Roâshë » en grafia de Confllens.

[22] Prononciê [var.ˈmoː.ra] ou ben [var.ˈmuː.ra], qu’ècrivont « Varmóra » ou ben « Varmoura » en grafia de Confllens.

[24] Prononciê [lɔ vlɑ], qu’ècrivont « Lo Vlâ » en grafia de Confllens.

[3] Varianta velarenche [du] de « des » art mpl.

[8] Varianta velarenche [ar.pə.ˈtã.na] de « arpetana » a f.

[9] Varianta velarenche [var] de « vâl » f.

[1] (fr) Pierro Boson, « Le Pays des Villards en Maurienne », Éditions des Cahiers de l’Alpe, Grenoblo, 1970, p. 276.

[virèt-4] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 et ^2,14 (fr) Rogiér Virèt, « Dikchonéro Fransé - Savoyâ - Dictionnaire Français - Savoyard » [PDF], 8^éma èdicion reviua et ôgmentâye, mârs 2021, pp. 2920-2921 et 3415.

[StichTèsa-5] (fr) Domenico Stich, « Francoprovençal. Proposition d’une orthographe supra-dialectale standardisée » [PDF], Tèsa de doctorat, Univèrsitât Paris-Sorbona, 2001, p. 498 [→ Los Velârs] (fôrma corregiêe : sen la lètra -d- que ’l est pas du tot ètimologica).

[Stich-6] (fr) Domenico Stich, « Dictionnaire francoprovençal-français et français-francoprovençal », Tonon, Le Carré, 2003, pp. 177 et 409.

[25] (fr) Favre-Nicol, D. (2012) Le Pays des Villards - Mémoire et Patrimoine. La Fontaine de Siloé, Montmélian.

[26] (fr) Le Dauphiné Libéré - Nouvelle attaque du loup hier, viu lo 18 de jouen 2016.

[27] (fr) Le Dauphiné Libéré - Des panneaux en français et en patois, viu lo 28 d’avril 2016.

[Trèsor_Arpetan-28] 8,0 et ^8,1 (fr) (frp) « Sent-Colomban-dus-Velârs » sur lo Trèsor Arpetan, viu lo 18 d’avril 2016.

[29] (fr) (frp) « Lé Kmoune in Savoué », viu lo 28 d’avril 2016.

[30] (fr) Commune de Châteauneuf en Savoie - Nom des Communes sous la Révolution.

[32] (fr) Palluel-Guillard, A. (1979) Images de Maurienne - Paysannes de la Vallée du Glandon (pâge 40). Collection Trésors de la Savoie.

[1]

[N 1]

[V 1]

[2]

[3]

[4]

[N 2]

[V 2]

[V 3]

[N 3]

[N 4]

[T 1]

[T 2]

[N 5]

[T 3]

[T 4]

[T 5]

[T 6]

[T 7]

[T 8]

[T 9]

[T 10]

[N 6]

[T 11]

[5]

[6]

[7]

[8]

[9]

[10]

[N 7]

[11]