Sant-Etiève

Cél articllo est ècrit en arpetan supradialèctâl / ORB lârge.

Por los articllos homonimos, vêde Sant-Etiève, Sant Ètièno et pués Ètièno.

Sant-Etiève
Viua sur la vela dês lo Guisê, lo pouéts Coriot, lo stado Jofrê-Guichârd, la place du Poplo et lo tramevê devant la gâra de Châtélcrox.
Blâson
Gentilyiço	Gagâs, Gagâssaou benStèfanouès, Stèfanouèsaen grafia lârge
Noms arpetans
En ORB sarrâye	Sant-Ètièno Sent-Tiève
Noms ètrangiérs
Nom latin (racena)	Sanctus Stephanus de Furano
Nom francês	Saint-Étienne
Nom occitan	Sant Estève
Administracion
Règ·ion culturâla	Arpetania
Règ·ion historica	Jarês
Payis	France
Règ·ion	Ôvèrgne-Rôno-Ârpes
Dèpartament	Lêre (prèfèctura)
Arrondissement	Sant-Etiève (ch·èf-luè)
Canton	Burô centralisior de siéx cantons
Entèrcomunalitât	CU Sant-Etiève Mètropola
Sendeco Mandat	Gaël Perdriau (LR) 2014-2020
Code postâl	42000, 42100, 42230
Code comena	42218
Dèmografia
Populacion municipâla	172 023 hab. (2013)
Densitât	2 151 hab./km2
Populacion sôl urben	512 830 hab. (2012)
G·eografia
Cordonês	45° 26′ 05″ Bise 4° 23′ 25″ Levant
Hôtior	Min. 422 m – Max. 1 117 m
Supèrficie	79,97 km2
Localisacion
G·eolocalisacion sur la mapa : Rôno-Ârpes Sant-Etiève G·eolocalisacion sur la mapa : Lêre Sant-Etiève G·eolocalisacion sur la mapa : France Sant-Etiève G·eolocalisacion sur la mapa : France Sant-Etiève
Lims
Seto Vouèbe	saint-etienne.fr

Sant-Etiève (Saint-Étienne en francês) est na comena francêsa et arpetana du Jarês, que sè trôve dedens lo quârt sud-èste du payis, dens lo dèpartament de Lêre en règ·ion Ôvèrgne-Rôno-Ârpes.

Avouéc 172 023 habitents en 2013, el est la 14^a comena la ples poplâye de France et la 2^nda comena d’Ôvèrgne-Rôno-Ârpes. La comunôtât urbèna Sant-Etiève Mètropola constitue en tèrmenos de populacion lo 3^émo regroupâjo entèrcomunâl règ·ionâl aprés les mètropoles Mètropola de Liyon et Grenoblo-Ârpes Mètropola mas devant la comunôtât d’agllomèracion Cllârmont Comunôtât. La comena est asse-ben u côr d’un vâsto sôl urben de més de 515 240 habitents en 2013, lo diéx-et-sèptiémo de France per sa populacion, que rassemble 301 comenes.

Grant-temps cognua coment étent la vela francêsa « de l’ârma, du vèlô et du ruban » et un important centro d’èxtraccion de charbon de piérra, Sant-Etiève est orendrêt engagiêe dens un vâsto programo de rènovacion urbèna que vise a conduire la transicion du stado de citât endustriâla héretâye du XIX^o siècllo a celi de « capitâla du dèsegno » du XXI^o siècllo. Cela dèmârche est étâye recognua avouéc l’entrâ de Sant-Etiève dedens la baragne de les veles crèatives UNÈSCÔ en 2010.

Los habitents de la vela sont a nom los Gagâs et les Gagâsses ou ben los Stèfanouès et les Stèfanouèses.

Urbanismo

Anèccions

La vela s’est agrantia a plusiors reprêses, anèxent cetes comenes :

• en 1855, Montôd, Outre-Férens et Vâlbenête : avouéc celos novéls tèrritouèros, la supèrficie de la vela pâsse de 256 a 3 986 hèctâres, por na populacion de 94 432 habitents ;
• en 1969, Sant-Vetor (pas ategnenta u résto de Sant-Etiève, câs prod râro en France) ;
• en 1970, Tèrranêre ;
• en 1973, Rochetalyê (avouéc lo statut de comena associyêe, 757 habitents en 1999).

Populacion et sociètât

Los habitents de la vela sont a nom los Gagâs et les Gagâsses ou ben los Stèfanouès et les Stèfanouèses (Stéphanois et Stéphanoises en francês).

Cultura locâla et patrimouèno

Èvènements

• 10 et 11 de septembro 2016 : 37^a Féta entèrnacionâla de l’arpetan.

Hèraldica

Lo blâson de Sant-Etiève.