Sent-Colomban-dus-Velârs

Sent-Colomban-des-Velârs

Cél articllo ’l est ècrit en arpetan velarenc / ORB sarrâye. [Articllo en CFLL : Sin-Kolonban-dou-Vlâr.]

Sent-Colomban-dus-Velârs
[sɛ̃ ko.lõ.ˈbɑ̃ du vlɑːʁ]
L’égllése Sent-Colomban a l’entrâ de Vers-lo-Centro.
Gentilyiço	Colôgnon, Colôgne Velarenc, Velarenche(por tot lo payis dus Velârs)
Noms arpetans
En ORB lârge	Sent-Colomban-des-Velârs [sɛ̃ ko.lõ.ˈbɑ̃ de vlɑːʁ]
En CFLL	Sin-Kolonban-dou-Vlâr Sin-Kolonban-dé-Vlâr(por la grafia lârge)
En Tèrrachu	Saint Eclipse
Noms ètrangiérs
Nom latin (racena)	Sancti Columbani de Villariis
Nom francês	Saint-Colomban-des-Villards
Nom étalien	San Colombano dei Villari
Administracion
Règ·ion culturâla	Arpetania
Règ·ion historica	Savouè(en Môrièna)
Payis	France
Règ·ion	Ôvèrgne-Rôno-Ârpes
Dèpartament	Savouè-d’Avâl
Arrondissement	Sent-Jian
Entèrcomunalitât	CC du canton de La Chambra
Sendeco Mandat	Pierro-Ivo Bonivârd 2014-2020
Code postâl	73130
Code comena	73230
Dèmografia
Populacion municipâla	192 hab. (2014)
Densitât	2,4 hab./km2
G·eografia
Cordonês	45° 17′ 42″ bise 6° 13′ 38″ levant
Hôtior	Min. 955 m – Max. 2 908 m
Supèrficie	81,12 km2
Èlèccions
Dèpartamentâles	Sent-Jian
Localisacion
G·eolocalisacion sus la mapa : Savouè-d’Avâl Sent-Colomban-dus-Velârs G·eolocalisacion sus la mapa : Savouè-d’Avâl Sent-Colomban-dus-Velârs G·eolocalisacion sus la mapa : France Sent-Colomban-dus-Velârs G·eolocalisacion sus la mapa : France Sent-Colomban-dus-Velârs
Lims
Seto Vouèbe	saint-colomban.com

Sent-Colomban-dus-Velârs [sɛ̃ ko.lõ.ˈbɑ̃ du vlɑːr] ^{(Acutâd en patouès)} (Saint-Colomban-des-Villards en francês) ou ben més simplament Sent-Colomban [CFLL : Sin-Kolonban] ’l est na comena francêsa et arpetanna de Môrièna, que sè trôve en Vâl Gllandon dens lo dèpartament de la Savouè-d’Avâl en règ·ion Ôvèrgne-Rôno-Ârpes.

La comena ’l est cognua coment lo « Brés dus petits-ramonors de Savouè ». Pendent l’hivèrn, dessus los tèrrens a l’envers de la comena sè trôve la stacion de squi de les Siéxbèles.

Los habitents du velâjo sont apelâs los Colôgnons et les Colôgnes ou ben, ensemblo avouéc celos de Sent-Alban, los Velarencs et les Velarenches.

G·eografia

Localisacion

Sent-Colomban ’l est placiêe dedens la valâ dus Velârs en Môrièna, que sè trôve u sud-ouèste de la Savouè. L’adrêt de la comena ’l est dedens la chêna de Bèladona.

Endrêts et cârros

La comena de Sent-Colomban rassemble cetos velârs :

• Vers-lo-Centro [CFLL : Vlo Sintro] (Le Chef-lieu en francês)
• Vers-la-Châl [CFLL : Vla Shâ] (La Chal en francês)
• Vers-lo-Châthelèt [CFLL : Vlo Shâshelè] (Le Châtelet en francês)
• Vers-la-Chenâl [CFLL : Vla Shnâ] (Lachenal en francês)
• Vers-les-Molâyes [CFLL : Vlë Molâyë] (Les Moulins en francês)
• Vers-lo-Nantchanu [CFLL : Vlo Nanshanu] (Nantchenu en francês)
• Vers-la-Pèrriére [CFLL : Vla Pèrîre] (La Perrière en francês)
• Vers-la-Piérra [CFLL : Vla Pyéra] (La Pierre en francês)
• Vers-lo-Pont [CFLL : Vlo Poun] (Le Pont en francês)
• Vers-les-Roches [CFLL : Vlë Rôshë] (Les Roches en francês)
• Vers-la-Sôge [CFLL : Vla Sôzhe] (La Sausse en francês)
• Vârmôra [CFLL : Varmoura] (Valmaure en francês)
• Vers-lo-Velâr [CFLL : Vlo Vlâr] (Le Villard-Martinan en francês)

Comenes vesenes

Lo tèrritouèro de Sent-Colomban est vesin de celos de siéx ôtres comenes :

Comenes vesenes de Sent-Colomban

Pinçôt (Isera)		Sent-Alban
La Fèrriére (Isera)		Fontcuvèrta
	Vâljânin (Isera)	Sent-Sorlin

G·eologia et relièf

La Vâl Gllandon ’l est gratâye per l’égoua du Gllandon, que ’l at na longior de 20,4 kilomètros, avouéc per la moyenna na largior de 10 a 12 kilomètros en vôlo d’usél. Les plés grantes égoues de Sent-Colomban, sèparâyes per lo massis de Bèladona, colont dens doves dirèccions complètament oposâyes : lo Gllandon mode de vers la bise et l’égoua d’Ôla cole de vers lo mié-jorn.

Tot pariér, la Vâl Gllandon est na zôna yô que nos trovens grôssament de lops.

Toponimia

Banche endiquiosa bilengoua en francês et en arpetan a l’entrâ de Sent-Colomban.

Lo nom de la comena ’l est ècrit « Saint-Colomban-des-Villards » en francês (que sè prononce Sin-Kolomban-dé-Vilàr), « Sent-Colomban-dus-Velârs » en arpetan velarenc (que sè prononce Sin-Kolonban-dou-Vlâr) et pués en arpetan supradialèctâl « Sent-Colomban-des-Velârs » (que sè prononce Sin-Kolonban-dé-Vlâr). En étalien ècrivont « San Colombano dei Villari » (que sè prononce San Colonbàno dei Vilàri). Vint du nom latin SANCTI COLUMBANI DE VILLARIIS.

U comencement, cen fét ben grant-temps, les doves comenes velarenches érant ben rèunies dedens ren qu’un tèrritouèro d’amont Cuéna. La vielye égllése de Sent-Colomban ’l ére vêr la solèta. Ples târd, avouéc lo dèsacôrd de la populace, l’èluegnement et pués les dificultâts de les comunicacions, fesiant la crèacion de les doves paroches en Vâl Gllandon. Cen fét vêr l’origina dus noms : Sent-Alban et Sent-Colomban, pués châque paroche avêt son prôpra égllése.

Lo nom Sent-Colomban vint de Sanctus Columbanus Luxoviensis (°543 a Navan - † 21 de novembro 615 a Bobbio prés de Plèsence, en Étalia), un mouéno irlandês. Lo nom Velârs vôt dére « un cârro avouéc un mouél de mêsons ; un velâjo ».

Dus côps, ensemblo avouéc Sent-Alban, ’l est asse-ben apelâye tot simplament Los Velârs [CFLL : Lo Vlâr].

Pendent la Rebênâda francêsa, la comena s’apelâve Glandon en francês, cen que ’l est Gllandon en arpetan, coment lo nom de l’égoua principâla de la comena.

Politica et administracion

Lista dus sendecos

Lista dus sendecos succèssifs

Temps	Identitât
1862 - 1865	Pierro-Francês Parêt
1865 - 1871	Sorlin Cuénat-Guèrra
1871 - 1875	Louis Frasson-Boton
1875 - 1880	Sorlin Martin-Cochèt
1880 - 1881	Louis Frasson-Boton
1881 - 1896	Jâque-Emanuél Martin-Cochèt
1896 - 1900	Emanuél Tardi
1900 - 1912	Benêt Martin-Culèt
1912 - 1919	Josèf Martin-Cochèt
1919 - 1926	Chârlo Parêt-Pintro
1926 - 1935	Emanuél Tardi
1935 - 1945	Chârlo Parêt-Pintro
1945 - 1959	Jâque Tardi
1959 - 1971	Jâque Parêt-Dôdon
1971 - 1983	Francês Martin-Fardon
1983 - 1989	Frèdo Boson
1989 - 1995	Renê Mognér
1995 - 2001	Mœris Boson
2001 - 2008	Renê Mognér
2008 - 2014	Mœris Boson
2014 - ....	Pierro-Ivo Bonivârd
Les enformacions de devant 1862 sont pas més cognues por nos ôtros ique.

Populacion et sociètât

Los habitents du velâjo sont apelâs los Colôgnons et les Colôgnes (Colégnons et Colégnonnes ou ben Colognons et Colognonnes en francês) ou ben, ensemblo avouéc celos de Sent-Alban, los Velarencs et les Velarenches (Villarins et Villarinches en francês).

Dèmografia

Èvolucion dèmografica

1860	v. 1882	1962	1968	1975	1982	1990	1999	2006	2012
1640	?	164	208	161	183	204	195	185	185
Nombro retegnu per l’Insee dês 1990 : populacion sen doblos comptios.

Dens lo mês d’oût (vers lo 15), la comena pôt ben avêr més de 1 000 habitents (contre los 185 per lo résto de l’an).

Lengoues

A Sent-Colomban, prèjont ben doves lengoues et un jargon : lo francês, l’arpetan et pués lo tèrrachu. En Tèrrachu, por pas dére tot drêt « arpetan » ou ben « patouès », la lengoua de payis ’l est asse-ben apelâye « marengouin ». Ben grôssament de noms de famelye et quâsi tôs los noms de cârros sont en arpetan (que ’l est la lengoua de payis), solament doux-três sont en lengoua francêsa (que ’l est la lengoua administrativa).

Cultura locâla et patrimouèno

Patrimouèno culturèl

• La Mêson du Patrimouèno a Vers-lo-Centro : dècuvèrta du patrimouèno locâl. Presentacion dus costumos tradicionèls de la valâ dus Velârs (manequins, ètofes, broderies et filmo vidèô avouéc) dens un viely et tipico dedens de l’arch·itèctura locâla savoyârda.

Pèrsonalitâts liyêes a la comena

Lo chantior Dantès, un Colôgnon que chante en lengoua ch·inouèsa.

• Pierro Boson (1921-1986), g·eografo, profèssor a les Ècoules normales de Privâs pués a l’Univèrsitât de Sant-Etiève.
• Jian-Francês Martin-Culèt (1974), jouyor de rugbi a XV.
• Cristoflo Hisquin (1978), més cognu coment Dantès, chantior populèro.
• Pierro Pomiér, jouyor de rugbi a XV.

Bôna-chiéra

• La mâtôlye.

Èvènements

Vôga tradicionèla de la valâ dus Velârs pendent lo chôd-temps de 2013.

• Fèstivâl culturèl FèstiBlanc u mês de mârs organisâ per « Los sons du Gllandon » ;
• Lo 15 d’oût, l’Ascension de Noutra-Dama, la ples granta vôga tradicionèla de la valâ dus Velârs ;
• La vie fèrrâye « Vers-la-Châl ».

Galeria d’émâges

• 

  Lo col du Gllandon d’ôton.
• 

  L’égllése Sent-Colomban dês Vers-lo-Velâr de forél.
• 

  La pista de l’Ormèt d’hivèrn.
• 

  Un pou aprés Vers-la-Châl en plen hivèrn.

Vêre avouéc

Lims de defôr

• Seto de l’ofiço de benvegnua de la valâ dus Velârs.
• Sent-Colomban sur lo seto de l’Insee.