Agricultura

De Vouiquipèdia, l’enciclopèdia abada.
Sauter à la navigation Sauter à la recherche
B down.svg Cél articllo est ècrit en arpetan supradialèctâl / ORB lârge. Lo blâson panarpetan


L’Agricultura est un sèctor de l’èconomia que fat usâjo de les ressôrces biologiques de la terra – les plantes et los animâls – por l’alimentacion.

Un champ de gran a Pregni-Sambèsi, quenton de Geneva.

Dèscripcion[changiér | changiér lo tèxto sôrsa]

L’agricultura tradicionâla des Ârpes comprend l'èlevâjo avouéc l'inarpant et la transhumance, lo forrâjo, los fromâjos, la vegne et ôtres cultures. Dessus lo fond plan des valâyes so trôve l’hortolâjo.

Chalèt en Vâl d’Anniviers.

L’inarpant yo que les armaliérs[1] vont du printemps tant qu’en ôton avouéc les vatses et ôtres animâls sus les moutanyes ux prés que sont ples hiôtes que la frontièra de bouesc remonte a la prèhistouère. Quârques mots de la cultura de l’inarpant ont lor origine diens la lengoua celtica. Ceta cultura est distribuâye sur tôtes règ·ions des Ârpes et du massis du Jura. Ux chalèts des ârpes les armaliérs font a la pèriode de l’èsu[2] avouéc lo lacél lo fromâjo.

Los fromâjos des règ·ions arpetanes sont la Fontina valdoutâna, l’Arpetan, lo Gruviére,[3] lo Bôfôrt (AOC), lo Reblochon savoyârd, les tommes du Valês, de Vôd, de Savouè et de Gressoney (Val d’Oûta).

Diens les valâyes des Ârpes, un mouél d’égoue-duits sont construits por les cultures.[4][5][6] Lo Pont d’Aël (prés lo velâjo Pondel) est un égoue-duit romén prés Aoûta.[7]

Bundesarchiv Bild 183-H27288, Spreewald, Heumahd.jpg
Vegnôblos de La Vâl prés du lèc Lèman dens lo quenton de Vôd.
Vegne du Val d’Oûta.

En Arpetania, doux-três règ·ions fant de vins ben cognus : La Vâl vôdouèsa qu’est un patrimouèno mondiâl de l’UNÈSCÔ, la Savouè, lo Valês, entre ôtros. La cultura de la vegne vint de l’agricultura des Romens.

Après la corrèccion du Rôno u Valês de l’an 1863 tant qu’en 1893[8] un mouèl de plantâjos s’enstâlont sus lo fond plan de la valâye diens les districts de Siérro, de Sion, de Contê, de Martegné et asse-ben lo district de Montê, surtot por la cultura d’âbros fruitiérs (pomiérs, periérs, abricotiérs) et por la vegne.

L’anciana agricultura tradicionâla fonccionâva avouéc des eûtis simplos et la fôrsa des homos et d’animâls. Pendent lo XXiémo siècllo la mècanisacion, les mach·ines avouéc lo motor d'èxplosion et l’endustrie agro-alimentèro pèrmètont un dèvelopament des tècniques et una mès granta produccion de l’agricultura. L’agricultura bio-dinamica ou-ben l’agricultura biologica volont na produccion agricola avouéc lo sistèmo de la natura que consèrve la biodivèrsitât et les ressôrces naturales.

Règ·ion de la produccion du Bôfôrt (AOC).

Vêre avouéc[changiér | changiér lo tèxto sôrsa]

Bibliografia[changiér | changiér lo tèxto sôrsa]

  • Éric Alary, L'Histoire des paysans français, 2016.
  • M. Porchet : Agriculture et économie alpestre dans le Valais romand, 1983.
  • Jean Guicherd : L'Agriculture du département de la Savoie, 1930.
  • Zabèla Rabouda-Schüle : Descendre à la vigne, monter le vin : des chemins qui se croisent en Valais, en: Le Monde alpin et rhodanien. Revue régionale d’ethnologie, 1994, pp. 59–106.
  • Travailler la terre en Savoie et en Piémont Lavorare la terra in Savoia e in Piemonte, 1985.
  • André Laguiér : La vigne et le Vin – La Vegne è lo Vén. Siérro 2005.
  • Campagnes, forêts et alpages de Savoie (13ème - 20éme siècle) : Actes du XXXIIIe congrès des sociétés savantes de Savoie, 1992.
  • L' Economie pastorale et l'agriculture des hautes vallées alpines dans l'Europe de 1992, 1989.
  • Laurent Argentier : Leçons sur l’agriculture valdôtaine, 2004.
  • Tèodoro Kuonen : Les pâturages de la région de Sion du Moyen Âge à nos jours, en : Vallesia, tome 47, Sion 1992, p. 63-229.

Lims de defôr[changiér | changiér lo tèxto sôrsa]

Rèfèrences[changiér | changiér lo tèxto sôrsa]

  1. Gllossèro des patouès de la Suisse romanda : armaly
  2. Gllossèro des patouès de la Suisse romanda : èsu
  3. Sièta web de promocion du Gruvière suisse
  4. Michel Cabouret : L’irrigation des prés de fauche en Europe occidentale, centrale et septentrionaler. Essai de géographie historique, 1999.
  5. Louis Lehmann : L'irrigation dans le Valais, Paris 1913
  6. Gianni Bodini : Antichi sistemi di irrigazione nell’arco alpino : ru, bisse, suonen, waale, Ivrea 2002
  7. Giovannella Cresci Marrone : Il Pondel tra storia e leggenda, en : Revue valdôtaine d'histoire naturelle, 41, 1987, pp. 155–162.
  8. A. de Kalbermatten : La correction du Rhône en amont du lac Léman, Bèrna 1964.