TÈR Ôvèrgne-Rôno-Ârpes

De Vouiquipèdia, l’enciclopèdia abada.
(Redirigiê dês TER Ôvèrgne-Rôno-Ârpes)
Cél articllo est ècrit en arpetan supradialèctâl / ORB lârge. Lo blâson panarpetan


TÈR Ôvèrgne-Rôno-Ârpes
Émâge ilustrativa de l’articllo TÈR Ôvèrgne-Rôno-Ârpes
Règ·iô 2N (rama Z 55521/22),
en livrâ TÈR Ôvèrgne-Rôno-Ârpes
en gâra de Liyon-Pârt-Diô.

Situacion Ôvèrgne-Rôno-Ârpes
Tipo Transpôrt èxprès règ·ionâl
Entrâ en sèrviço 2016
Longior de la baragne 3 187 km
Legnes 76
Gâres 335
Rames Artimbales roulantes du TÈR Ôvèrgne-Rôno-Ârpes
Ècartament de les râlyes 1 435 mm
Propriètèro SNCF
Èxplouètent SNCF
Seto malyâjo www.ter.sncf.com/auvergne-rhone-alpes
Baragnes branchiêes TGV
Entèrcitâts
Lèman Èxprès
Cars Règ·ion
Principâles baragnes urbènes :
Bôrg (Rubis)
Chambèri (Sincrô Bus)
Cllârmont-Fèrrand (T2C)
Èneci (SEBRA)
Geneva, CH (TPG)
Grenoblo (TAG)
Liyon (TCL)
Molins (Aléo)
Montluçon (Maelis)
Oyenâs (Duobus)
Lo Pué (Tudip)
Rouana (STAR)
Sant-Etiève (STAÈ)
Tonon (BUT)
Valence (Citéa)
Vichiér (MobiVie)

Lo TÈR Ôvèrgne-Rôno-Ârpes (le TER Auvergne-Rhône-Alpes en francês, lo TER Auvèrnhe Ròse Aups en occitan) est la baragne de transpôrt èxprès règ·ionâl de la règ·ion administrativa Ôvèrgne-Rôno-Ârpes. Cela baragne vint de la fusion de les doves vielyes baragnes TÈR Ôvèrgne et TÈR Rôno-Ârpes fêtes por les vielyes règ·ions dês devant la rèfôrma tèrritoriâla de 2015.

Histouère[changiér | changiér lo tèxto sôrsa]

Na rama Z 24500 en livrâ Ôvèrgne-Rôno-Ârpes en gâra de Valence TGV.

La fusion de les doves règ·ions administratives d’Ôvèrgne et de Rôno-Ârpes, sè pâsse lo . Portant, lo TÈR Ôvèrgne-Rôno-Ârpes, que rassemble les vielyes baragnes TÈR Ôvèrgne et TÈR Rôno-Ârpes, est aparu dedens la comunicacion ux voyagiors en grôs pendent l’an 2017.

La règ·ion Ôvèrgne-Rôno-Ârpes comence l’èssê du Wi-Fi dedens sos trens dês lo , d’abôrd sus la relacion Mâcon – Liyon – Valence por diéx-et-huét mês, pués sus três rames de la relacion Liyon – Grenoblo dês janviér 2019, mas étot sus Liyon – Rouana – Cllârmont-Fèrrand et Liyon – Bôrg[1]. Mâlgrât los problèmos a rapondre lo Wi-Fi sus la baragne TÈR, cela solucion rèpond « a la demanda ux usanciérs », d’aprés la dirèccion règ·ionâla des TÈR. Três solucions tècniques sont èprovâyes (que lo Wi-Fi embarcâ ou ben des vitrâjos hiôt dèbit atèrmicos « que pèrmètont a les ondes de rentrar dedens les rames des trens »)[2]. Totes les rames TÈR devriant pas étre èquipâyes devant lo mandat que vint. Cél èssê côte 1,3 millyon d’erôs[2],[1].

Relacions TÈR[changiér | changiér lo tèxto sôrsa]

Per râlye[changiér | changiér lo tèxto sôrsa]

Mapa (en francês) de les enfrastructures fèrrovières en Ôvèrgne-Rôno-Ârpes en 2020.

Les relacions assurâyes per lo TÈR Ôvèrgne-Rôno-Ârpes — les legnes Lèman Èxprès sont tècnicament de legnes TÈR en tèrritouèro francês mâlgrât n’identitât visuâla spècefica — sont cetes[3] :

Per car[changiér | changiér lo tèxto sôrsa]

Les relacions assurâyes surtot per car sont cetes[3] :

Les legnes X13, X25, X33, X36, X37, X38, X71, X73, X74, X75 et X76 dèpendont du sèrviço « Cars Règ·ion Èxprès » de la baragne règ·ionâla Cars Règ·ion, qu’est en defôr de la baragne TÈR.

Tarificacion[changiér | changiér lo tèxto sôrsa]

Los tarifs nacionâls s'aplicont asse-ben sur la baragne TÈR Ôvèrgne-Rôno-Ârpes.

Des abonaments anuéls, mensuéls, hebdomadéros ou entermodâls sont proposâs.

Los abonament anuéls (« illico Annuel »)[4], mensuél (« illico Mensuel »)[5] et hebdomadéro (« illico Hebdo »)[6] permetont ux voyagiors de més de 26 ans de bènèficiar de na rèduccion de 25% la semana et 50% en fin de semana, sur un trajèt, dedans de la règ·ion Ôvèrgne-Rôno-Ârpes, les gâres de Mâcon et Geneva-Cornavin avouéc, et sur des trajèts enter-règ·ionâls depués l'anciana règ·ion Rôno-Ârpes vers les règ·ions Borgogne-Franche-Comtât et pués Provence-Ârpes-Couta d’Azuro[4],[5],[6].

Los abonaments mensuéls et hebdomadéros existont asse-ben por los voyagiors de 4 a 25 ans (« illico Mensuel Jeunes »[7] et « illico Hebdo Jeunes »[8])

Los trajèts Intercités depués l'anciana règ·ion Ôvèrgne povont se fêre avouec un abonament mensuél ou ben hebdomadéro, avouéc un pass Intercités por lo trajèt, de na semana[9] ou d'un mês[10].

Un abonament mensuél spècifico est proposâ por les navetes des legnes 101 a 103 des Cars Règ·ion Èn, u dèpârt de Chalamont ou Châtelyon-sus-Chalarona vers Velârs-les-Dombes, ou de Lagniœ vers Ambèriôx, la fin du trajèt vers Liyon se fêt por TÈR[11].

Il ègziste asse-ben des abonaments entèr-modâls, por utilisar lo TÈR et tant qu'a 4 baragnes urbènes avouéc un mémo titro de transpôrt. Cél abonament est valablo sur les baragnes TCL (Liyon), STAS (Sant-Etiève), TAG (Grenoblo), Citéa (Valence et Rumans), céls de la zona 10 « Tot Geneva » de la comunôtat tarifére Unireso, ViennAgglo (Vièna), Ruban (Porta de l'Isera), T2C (Cllârmont-Ferrand), Aléo (Molins) et pués Synchro Bus (Chambèri)[12].

Por lo Lèman Èxpress, la tarificacion por un trajèt en règ·ion Rôno-Ârpes pôt variar : por un trajèt entèrno, la tarificacion TÈR s'aplica, mas por un trajèt Rôno-Ârpes - Suisse, o est la tarificacion Lèman Pass que s'aplica.

Avouéc la revendicacion du sindicat Alliance Police Nationale, lo transpôrt est gratuit por la police dês fin 2016[13]. Céta dècision côte 500 000 € a la règ·ion.

Matèrièl rolant[changiér | changiér lo tèxto sôrsa]

Lo parc rolant de TÈR Ôvèrgne-Rôno-Ârpes est totâlament constituâ des parcs rolants des doux ancianes baragnes règ·ionâles Ôvèrgne et Rôno-Ârpes.

Lo 3 janviér 2018, lo parc étiêt composâ de :

Série Anciana baragne

Ovèrgne

Anciana baragne

Rôno-Ârpes

Anciana baragne

Mont-Bllanc

Totâl
BB 22200 29 29
BB 67400 4 4
B 81500 41 41
B 82500 28 28
B 84500 12 12
X 72500 16 16
X 73500 43 43 86
X 76500 26 26
U 52500 24 24
Z 800 3 3
Z 850 6 6
Z 9500 13 13
Z 9600 9 9
Z 23500 16 16
Z 24500 60 60
Z 27500 15 15
Z 55500 40 40

Identitât visuèla[changiér | changiér lo tèxto sôrsa]

La livrâye Ôvèrgne-Rôno-Ârpes est de color bllu ciél, lo logo de la règ·ion sur los fllancs avouéc. La règ·ion a adoptâ na livrâye que covre tot lo tren, come céla de l'anciana règ·ion Rôno-Ârpes. Mas més que de yon tren a conservâ sa livrâye TÈR classica, avouéc lo logo de la règ·ion sur lo fllanc. Sur les vouètures Corâly, un carrâ est dessinâ avouéc lo logo Ôvèrgne-Rôno-Ârpes.

Notes et rèferences[changiér | changiér lo tèxto sôrsa]

  1. 1,0  et 1,1(fr) Dolores Mazzola, « Wi-Fi dans les TER : une expérimentation lancée sur la ligne Mâcon / Lyon / Valence », dessus France 3 Auvergne-Rhône-Alpes, (viu lo 30 d’oût 2018).
  2. 2,0  et 2,1(fr) Catherine Lagrange, « Le wi-fi arrive dans les TER », Le Parisien / Aujourd’hui en France,‎ (en legne).
  3. 3,0  et 3,1(fr) « Télécharger une fiche horaire », dessus ter.sncf.com Auvergne-Rhône-Alpes, SNCF (viu lo 21 de novembro 2020).
  4. 4,0  et 4,1https://france3-regions.francetvinfo.fr/auvergne-rhone-alpes/rhone/lyon/wi-fi-ter-experimentation-lancee-ligne-macon-lyon-valence-1531850.html
  5. 5,0  et 5,1Catherine Lagrange, « Le Wi-Fi arrive dans les TER », Le Parisien / Aujourd'hui en France,‎ 30 août 2018
  6. 6,0  et 6,1https://www.ter.sncf.com/rhone-alpes/offres/tarifs/illico-hebdo
  7. https://www.ter.sncf.com/auvergne-rhone-alpes/offres/tarifs/illico-mensuel-jeune
  8. https://www.ter.sncf.com/auvergne-rhone-alpes/offres/tarifs/illico-hebdo-jeunes
  9. https://www.ter.sncf.com/auvergne-rhone-alpes/offres/tarifs/ter-illico-mensuel
  10. https://www.ter.sncf.com/rhone-alpes/offres/tarifs/illico-hebdo
  11. https://www.ter.sncf.com/auvergne-rhone-alpes/offres/tarifs/ter-navettes-oura
  12. https://www.ter.sncf.com/auvergne-rhone-alpes/offres/tarifs/ter-reseaux-urbains/%5Btab%5Dter1reseauurbain
  13. https://www.ter.sncf.com/auvergne-rhone-alpes/offres/tarifs/ter-illico-surete

Vêre avouéc[changiér | changiér lo tèxto sôrsa]

Articllos liyês[changiér | changiér lo tèxto sôrsa]