Gâra de Grenoblo
|
Cél articllo est ècrit en arpetan supradialèctâl / ORB lârge. | 
|
La gâra de Grenoblo est na gâra fèrroviére darfénouése et arpetana de la comena de Grenoblo, ch·èf-luè du dèpartament de l'Isera. El est explouètâye per la SNCF (Sociètât Nacionala des Chemins de Fèr francês). El comporte 6 vies (dènomiâyes de A a F), dont 2 vies qu'encadront les ôtres ux doux fllancs de la gâra.
La gâra est a la convergence de nombroses liyêsons de la baragne TÈR Ôvèrgne-Rôno-Ârpes vers Liyon, Chambèri, Èneci, Geneva, Valence et Gap.
O y at des trens nacionâls avouéc los TGV vers Liyon et Paris, et des trens Ouigo en hivèrn.
Situacion fèrroviére
[changiér | changiér lo tèxto sôrsa]La gara de Grenoblo est u pouent kilomètrico (PK) 130,538 de la legne dês Liyon-Pèrrâche tant qu’a Marselye-Sant-Chârlo (per Grenoblo), entre-mié les gâres uvèrtes de Sant-Ègrèvo-Sant-Robèrt et Pont-de-Cllêx. O est na gâra de bifurcacion avouéc la legne dês Grenoblo tant qu'a Montmèlyan, la gâra d'aprés est Ècherôles.
Dèssèrta
[changiér | changiér lo tèxto sôrsa]L'aglomèracion de Grenoblo est dèssèrvie por 7 ôtres gâres : Ècheroles, Grenoblo-Univèrsitât-Giére, Jarria - Veselye, Pont-de-Cllêx, Sant-Ègrèvo-Sant-Robèrt, Sant-Jôrjo-de-Comiérs et pués Viu.
Trens règionâls
[changiér | changiér lo tèxto sôrsa]La gâra de Grenoblo est dèssèrvie per cetes legnes TÈR :
- Grenoblo - Brégon - Liyon-Pârt-Diô
- Grenoblo-Univèrsitât-Giére - Grenoblo - Rives - Sant-André-lo-Goua
- Valence-Vela - Grenoblo - Chambèri - Èx-los-Bens - Geneva-Cornavin (CFF)
- Valence-Vela - Grenoblo - Chambèri - Èx-los-Bens - Èneci
- Sant-Marcelin - Grenoblo - Chambèri
- Grenoblo - Cleles-Mens
- Grenoblo - Vênes - Dèvolui - Gap
- Avignon-Centro - Valence-Vela - Grenoblo (alar lo devendro sêr, retôrn lo demenge sêr)
La legne de les Ârpes permèt des correspondences a Vênes - Dèvolui vers Briançon, Sisteron, Manosca, Èx-en-Provence et pués Marselye.
Trens nacionâls
[changiér | changiér lo tèxto sôrsa]- TGV InOui Grenoblo - Liyon-Sant-Ègzupèri TGV - Paris Gâra de Liyon (10 alar-retorns châque jorn)
- Durant l'hivern (dês dècembro tant qu'a mârs), un tren Ouigo fêt l'alar-retôrn châque jorn dês l'aèrogâra Charlo de Gâlya 2 TGV tant qu'a Le Bôrg.
Transpôrts urbens
[changiér | changiér lo tèxto sôrsa]La baragne TAG (Transpôrts de l'Aglomèracion de Grenoblo) dèssèrt l'arrêt "Gâres" a jouta de la gâra, avouéc les legnes de tramevê A et B et les legnes de bus C1 et 26.
Ôtocars règionâls
[changiér | changiér lo tèxto sôrsa]- Baragnes Cars Règion Èxprès et Cars Règion Isera, legnes d'hivern Transaltitude vers les stacions de squi
- Legnes Èxprès Règionâles Zou ! 31 (Grenoblo - Briançon) et 35 (Grenoblo - Digne)
- Actibus vèrs l'aèrogâra Grenoblo-Isera
- BlaBlaCar Bus vèrs l'aèrogâra Liyon-Sant-Ègzupèri
- Aèrocars vers Chambèri et l'aèrogâra de Geneva
Notes et rèfèrences
[changiér | changiér lo tèxto sôrsa]
Vêre avouéc
[changiér | changiér lo tèxto sôrsa]Articllos liyês
[changiér | changiér lo tèxto sôrsa]Lims de defôr
[changiér | changiér lo tèxto sôrsa]- La gâra de Grenoblo sur lo sito vouébe TÈR Ôvèrgne-Rôno-Ârpes : https://web.archive.org/web/20220213090859/https://m.ter.sncf.com/auvergne-rhone-alpes/se-deplacer/gares/grenoble-87747006