Vouiquipèdia:Lumiére dessus…/Sant-Priét
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo delon 02 de janviér 2023 tant qu’u dessando 07 de janviér 2023.
Sant-Priét [sã pri] (Saint-Priest [sɛ̃ pʁi.jɛst] Acutar en francês) est una comuna francêse et arpetana du Velin en Dârfénât, que sè trôve en banleya de Liyon diens la mètropola de Liyon en règion Ôvèrgne-Rôno-Ârpes.
Seconda vila la ples ètendua de sa mètropola, dèrriér Liyon, grâce a ses 2 971 hèctâres de supèrficie, il est ègalament la cinquiéma vila la ples poplâ u niviô dèpartamentâl aprés Vâls-en-Velin et devant Caluéres-et-Cuéres. El’est onziéma sus le plan règionâl.
Les habitents de la vila s’apèlont les Sant-Priôds [lø sã prjo] et les Sant-Priôdes [lø sã ˈprjoː.də].