Vouiquipèdia:Lumiére dessus…/Siria
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês la demenge 08 de dècembro 2024 tant qu’u dessando 14 de dècembro 2024.
.svg)
La Siria [si.ˈrja, si.ˈʀja] ou ben la Sirie [si.ˈri,
si.ˈʀi] (سوريا, Sūriyā [suː.ˈri.jaː] en arabo) est un payis d’Asia ponantenche. Situâye dessus la couta levantenche de la mar Mèditèrranê, el at de frontiéres tèrrèstres avouéc la Turquia, l’Iraq, la Jordania, Israèl, lo Liban et pués na frontiére maritima avouéc Cipro. La sina capitâla et sina ples granta vela est Damâsc, qu’ére historicament la capitâla du Califat omèyâdo dês 661 tant qu’a 744.
Los ôtros côps, lo tèrmo Siria est en arpetan (coment en francês) sinonimo du « Levant » ou de la « Granta Siria » (bilad al-Sham, en arabo : بلاد الشام). Du temps de l’Empiro otoman, cela règion est un bon moment rassemblâye, compregnent los Ètats d’ora de la Siria, d’Israèl, du Liban, de la Jordania et de la Palèstina. Pendent l’Antiquitât, celos payis sont tot franc la Fènicia, los reyômos d’Israèl et de Juda, la province romèna de Judê pués de Siria-Palèstina, l’Assiria et na partia de la Mèsopotamia ponantenche.
Los habitents s’apèlont los Siriens [lu si.ˈrjɛ̃] et les Siriènes [le si.ˈrjeː.ne, le si.ˈrjeː.nə, le si.ˈrjeːn].