Vouiquipèdia:Lumiére dessus…/Brêsse
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demécro 21 de septembro 2022 tant qu’u delon 26 de septembro 2022.
La Brêsse [braːʃ] (la Bresse [bʁɛs] en francês) y-est na règion naturèla pués historica francêsa de lengoua arpetana, que sè trôve a chevâl entre-mié les règions Ôvèrgne-Rôno-Ârpes pués Borgogne-Franche-Comtât dens les dèpartements de l’En, de Sona-pués-Louère pués na benda ètrête dessus sêr du dèpartement du Jura. La capitâla historica de la Brêsse ére la vela de Bôrg.
El’est na plana legiérament valonâ qu’ocupe la partia dessus matin du bachèt moyen de la Sona tant qu’u Revremont.
Les habitents de la règion s’apèlont les Brêssans [le bra.ˈsɛ] pués les Brêssanes [lə bre.ˈʃaː.nə].