Randa

Cél articllo est ècrit en arpetan supradialèctâl / ORB lârge.

Randa.

Randa est un velâjo et una comena du canton du Valês, que sè trôve dedens lo destrict de Viège.

G·eografia

Lo Dom, et u fond, la Grant-Bèca.

Lo « pont Charles Kuonen », asse-ben dèt « SkyWalk Randa », avouéc la longior de 468 mètros, un èlèment du « chemin de l’Eropa ».

Randa est situâye dedens la comba de la Viège de Prât-Borgno qu’est entre-mié de les chênes de montagnes du Dom (4546 m) u levant et de la massela de Compôthanna (4505 m) u cuchient. Diéx sonjons des montagnes de Randa ont na hôtior més de 4000 mètros.

Sus lo tèrritouèro de Randa sont doux-três grants gllaciérs : lo Bisgletscher, lo Holichtgletscher, lo Festigletscher et lo Hobärggletscher.

Populacion et sociètât

La comena at na populacion, en 2020, de 425 pèrsones.

Transpôrt

La gâra de Randa est sus la legne de chemin de fèr de Viège a Prât-Borgno.

Lo chemin de montagne dèt « chemin de l’Eropa » passe prés Randa.

L’égllése de Sent Sebastien de Randa.

Patrimouéno

• L’égllése de Sent Sebastien

Lengoues

• l’alemand ;
• lo tuche.

Randa est una comena a fllanc de la frontiére lengouistica de l’arpetan – et pués enqu’houé lo francês – vers lo tuche valêsan : la comena arpetana vesena de Randa est, situâye vers lo cuchient, Aneviérs.