Vouiquipèdia:Lumiére dessus…/Sant-Pierro-la-Noualye
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 23 de jouin 2023 tant qu’u delon 26 de jouin 2023.
Sant-Pierro-la-Noualye [sã pjaːʀ la nwaj] (Saint-Pierre-la-Noaille [sɛ̃ pjɛʁ la nɔ.aj] en francês) ou de cotuma Sant-Pierro [sã pjaːʀ] est una comena francêse et arpetanna du Charluês en Rouanês, que sè trôve dens le dèpartement de Lêre en règion Ôvèrgne-Rôno-Ârpes.
Le velâjo sè trovêt avèrti dedens le Liyonês historico.
Les habitents du velâjo s’apèlont les Sant-Pierrots [le sã pja.ˈʀo] et les Sant-Pierrotes [le sã pja.ˈʀot].
Geografia
[changiér lo tèxto sôrsa]Le bôrg de la comena sè trôve lé-avâl le pendolin d’un torrâl u bôrd drêt de Lêre dedens le Charluês a la bise du Rouanês.