Vouiquipèdia:Lumiére dessus…/Sâlveng
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demécro 6 de septembro 2023 tant qu’u demârs 12 de septembro 2023.
Sâlveng [su.ˈveˑɪ] (Sauvain [so.vɛ̃] en francês, Salvanh [sɒl.ˈvãⁿ] ou Sauvanh [sɔw.ˈvãⁿ] en occitan) est una comuna francêse et arpitana du Forês, que sè trôve dins le dèpartament de Lêre en règion Ârvèrgne-Rôno-Ârpes.
Les ôtres vês, la comuna ére avouéc Genceniéres et Charmesél una partia lengouistica de l’Occitania encllavâ entre la crèta de les montagnes du Sêr et le Forês arpitan, qu’est étâ arpitanisâ pendent le Moyen Âjo.
Los habitents du vialâjo ant nom los Sâlvegnârds [lu su.və.ˈɲɛːr] et les Sâlvegnârdes [le su.və.ˈɲɛːrd].
Geografia
[changiér lo tèxto sôrsa]Le bôrg de la comuna sè trôve a 891 m d’hôt sus un rochiér qu’est d’en-hôt la valê de Lignon dedins les montagnes du Sêr en Forês.