Vouiquipèdia:Lumiére dessus…/Rôno
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês la demenge 07 de mârs 2021 tant qu’u dejô 11 de mârs 2021.
Lo Rôno [ˈruː.no] (där Rottu en hiôt-valêsan, die Rhone en alemand, le Rhône [ˈʁɔ.nə] en francês, Ròse [ˈrɔ.ze] en occitan) est un fllevo d’Eropa, qu’est 812 kilomètros de long (un tièrs en Suisse et doux tièrs en France).
Lo Rôno est lo més long et important fllevo d’Arpetania et pués yon des més importants fllevos d’Occitania.
Prend sa sôrsa dedens lo gllaciér du Rôno, en Suisse, a 2 209 m d’hiôt, u bèc levantenc du Valês, dedens lo massis de les Ârpes ouranêses. Corrate 290 km en Suisse, sè jetent dedens lo Lèman por nen salyir a Geneva prés du pont du Mont-Blanc. Entre pués en France, yô que corrate 522 km, d’aprés l’Encicllopèdia Larousse, ou ben 545 km, d’aprés lo SANDRE. Chavone son cors dedens lo dèltâ de Camârga por sè jetar dedens la mar Mèditèrranê. Lo Pôrt-Sant-Louis est la dèrriére vela sus lo Rôno.