Vouiquipèdia:Lumiére dessus…/Payis du Velin
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês la demenge 25 de julyèt 2021 tant qu’u dejô 29 de julyèt 2021.
Le payis du Velin [pa.ˈji du və.ˈlɛ̃] (le pays du Velin [pe.i dy vlɛ̃] en francês) ou ben tot simplament le Velin [və.ˈlɛ̃] est una plana et pués una règ·ion naturèla du Bâs-Dârfénât, que sè trôve a riva gôche du Rôno et u levant de la mètropola liyonêse, qu’il at entretenu de relacions changientes pendent les siècllos. Il est per lyé qu’il est étâ entègrâ dediens le mondo galo-romen et pués la crètientât. Cél vêsinâjo èxplique l’enveya qu’at oposâ les Dârfins a la mêson de Savouè u Moyen Âjo por sa possèssion.
Aprés cinq siècllos de relègacion, dapués la rebênâda endustriâla u XIXémo siècllo, son tèrritouèro est étâ rapondu a la mètropola liyonêse que lyé semondéve les més lârges possibilitâts de dèvelopament. Franc urbanisâ et endustrialisâ dapués le XIXémo siècllo, l’èspâço naturèl est a châ pou étâ remplaciê, et pués l’identitât agricola et campagnârda quâsi èfaciê.
Y-ora, le Velin est administrativament divisâ entre-mié les dèpartaments du Rôno et de l’Isera et pués la mètropola de Liyon.