Vouiquipèdia:Lumiére dessus…/Mêsiô
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 29 d’octobro 2022 tant qu’u dejô 03 de novembro 2022.
Mêsiô [ma.ˈʒy] (Meyzieu [mɛ.zjø] en francês) est na comuna francêse et arpetana du Velin en Dârfénât, que sè trôve diens lo dèpartament du Rôno en règion Ôvèrgne-Rôno-Ârpes.
Los habitents de la vila s’apèlont los Mêsiolans [lɔ ma.ʒo.ˈlã] et les Mêsiolanes [lə ma.ʒo.ˈlɑːn].
Chemins de comunicacion et transpôrts[changiér lo tèxto sôrsa]
La comuna est dèssèrvia per la Rocâda Levant de Liyon et la vielye Rota nacionâla 517.
La rota rapida N 346 pâsse u cuchient de la vila. El est branchiê a l’A42 (Liyon - Lo Pont d’En), l’A6 (Liyon - Paris), l’A43 (Liyon - Modâna), l’A7 (Liyon - Marselye) et l’A47, pués la N 88 (Liyon - Sant-Etiève). Pèrmèt âssé de rapondre lo bôrg de Liyon avouéc d’ôtres rotes rapides. La sortia 
6 pèrmèt d’arrevar u bôrg et a la bise de Mêsiô, et pués la sortia 7 est branchiê a la D 302, que pâsse u mié-jorn et rapond lo mié-jorn de la vila et l’ére endustriâla.