Vouiquipèdia:Lumiére dessus…/L’Agrel
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dejô 26 de janviér 2023 tant qu’u demârs 31 de janviér 2023.
L’Agrel [l‿a.ˈɡʀəl] (La Gresle [la gʁɛl] en francês) est una cumena francêse et arpetana du Rouanês dedens le Biôjolês historico, que sè trôve dens le dèpartement de Lêre en règion Ôvèrgne-Rôno-Ârpes.
Los habitents du velâjo s’apèlont los Greliérs [lo ɡʀə.ˈli] et les Greliéres [le ɡʀə.ˈliːʀ].
Geografia[changiér lo tèxto sôrsa]
Le bôrg de la cumena sè trôve sus un torrâl qu’est d’amont la crosa de Trambosan, entre-mié la plana du Rouanês et los pendolins de sêr de los monts du Hiôt-Biôjolês u matin du Rouanês. Depués doux-três cemes de L’Agrel, ils ant una bèla vua dessus le bachèt rouanês, les montagnes de Sêr, los monts de la Madelêna et le Biôjolês vesin.