Vouiquipèdia:Lumiére dessus…/Gâra de Liyon-Pèrrâche
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo delon 21 de fevriér 2022 tant qu’u devendro 25 de fevriér 2022.
La gâra de Liyon-Pèrrâche [ˈɡoː.ða də li.ˈjɔ̃ pe.ˈraː.ˈʃi] (la gare de Lyon-Perrache en francês) est na granda gâra de tren francêse enstalâ en la vila de Liyon, ch·èf-luè de la mètropola de Liyon, en règ·ion Ôvèrgne-Rôno-Ârpes. Sè trôve dedens lo quartiér de Pèrrâche, entre-mié lo confolent et la résta de la présqu’ila de Liyon.
La gâra de tren de Pèrrâche fut construita depués 1855 per l’arch·itècto François-Alexis Cendrier por lo compto de la Compagnie de tren depués Paris jusqu’a Liyon et fut inôgurâ lo .
La gâra est u mié-jorn du centro d’èchanjos de Pèrrâche, que rassemble difèrents moyens de transpôrts que sont lo mètrô, lo tramevê et los bus, placiê en-dessus du bèluârd urben de liyèson depués l’A6 (enqu’houé dècllassiê sus lo tèrritouèro mètropolitan liyonês, depués lo tunèl de Forviéro) jusqu’a l’A7.