Vouiquipèdia:Lumiére dessus…/Comba de Conches
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 22 de janviér 2022 tant qu’u demécro 26 de janviér 2022.
La comba de Conches [ˌkɔ̃.ba.də.ˈkɔ̃.tse] (s Goms en tuche suisso, das Goms ou das Gommertal en alemand, la vallée de Conches en francês) ‘l est na comba suissa dedens les Ârpes, que sè trôve a cavalon sus lo mié-destrict de Rarôgne levantenc et lo destrict de Conches en Valês.
Mês’a pârt la comba du Rôno, la comba de Conches ‘l est l’unna des més grandes combes du Valês. Compte tot plen de combes de lât drènâyes per de peticts cors d’égoue que sè fotont tués u Rôno. Trôvont sus la riva drête lo Chietal, l’Obertal, lo Niedertal, lo Trützital, lo Minstigertal, lo Bieligertal et la comba de Viu et pués sus la riva gôche lo Geretal, l’Agenetal, lo Blinnental, lo Rappetal et la comba de Boueng.
Les habetents de la comba sont a nom les Conchârds [le kɔ̃.ˈtsaːr] et les Conchârdes [le kɔ̃.ˈtsaːr.de].