Troyes

Cél articllo est ècrit en arpetan supradialèctâl / ORB lârge.

Troyes
[ˈtrɔ.jə], [trɔj], [ˈtʀɔ.jə], [tʀɔj]
Du sonjon u fond, de gôche a drêta : l’hotâl de vela et son plâtro ; los quês de Sêna dês lo pont verient de la Via Agrippa ; de mêsons a pants de bouesc rua Émile-Zola ; la catèdrâla Sant-Pierro-et-Sant-Pol ; la basilica Sant-Urben.
Blâson
Gentilyiço	Troyen, Troyènaen arpetan Troyen, Troyenneen francês
Noms ètrangiérs
Nom latin (racena)	Cīvĭtās Trĭcassĭumpués-cenAugustŏbŏna
Nom francês	Troyes [tʁwa]
Nom champenouès	nom encognu
Nom occitan	Tròias [ˈtɾɔ.jɔs]
Administracion
Règion culturâla	Champagne
Règion historica	Champagne
Payis	France
Règion	Grant Levant
Dèpartament	Ôba (prèfèctura)
Arrondissement	Troyes (chèf-luè)
Entèrcomunalitât	Troyes Champagne Mètropola (siéta)
Sendeco Mandat	François Baroin (LR) 2020-2026
Code postâl	10000
Code comena	10387
Dèmografia
Populacion municipâla	62 782 hab. (2021 )
Densitât	4 756 hab./km2
Geografia
Coordonâs	48° 17′ 51″ bise, 4° 04′ 27″ levant
Hôtior	Min. 100 m Max. 126 m
Supèrficie	13,2 km2
Tipo	Comena urbèna
Unitât urbèna	Troyes (vela-centro)
Sôl d’atraccion	Troyes (comena-centro)
Èlèccions
Dèpartamentâles	Burô centralisior de cinq cantons : Troyes 1, 2, 3, 4, 5
Lègislatives	1ére, 2nda et 3éma circonscripcions
Localisacion
Geolocalisacion sus la mapa : Grant Levant Troyes Geolocalisacion sus la mapa : Ôba Troyes Geolocalisacion sus la mapa : France Troyes Geolocalisacion sus la mapa : France Troyes
Lims
Seto Vouèbe	ville-troyes.fr

Troyes [ˈtrɔ.jə] (Troyes [tʁwa] en francês, nom encognu en champenouès) est na vela francêsa et champenouèsa, prèfèctura du dèpartament de l’Ôba, et pués sèptiéma comena la ples poplâye de la règion Grant Levant. Sè trôve dedens la règion historica et culturâla de Champagne, qu’ére la capitâla historica. El est travèrsâye per la Sêna.

Pendent los siècllos, Troyes, dèsignêe Vela d’ârt et d’histouère, at consèrvâ un patrimouèno architècturâl et urben que tèmogne de son recho passâ mèdièvâl et renèssent. La citât, rebâtia aprés lo fuè de 1524, at 42 bâtiments protègiês coment monuments historicos, que diéx églléses et yona catèdrâla d’architèctura gotica, et pués yona de les ples grantes concentracions de mêsons a pants de bouesc du XVI^émo siècllo. La vela coment son dèpartament at étot na granta divèrsitât de vitrâlys.

Los Tricassos, premiér poplo qu’at lèssiê de mârques sensibles de lor presence, balyont lor nom a cela que s’apelâve Cīvĭtās Trĭcassĭum, pués-cen Augustŏbŏna desot l’ocupacion romèna. Les fêres de Champagne, govèrnâyes per los comtos de Champagne, ant contribuâ u rayonament èconomico et financiér de Troyes dês lo XI^émo siècllo, aterient un mouél de marchands a travèrs tota l’Eropa. Pendent la rèvolucion endustriâla, lo linjo, lo cuér, mas asse-ben l’emprimerie, sont los tronfos historicos de l’èconomia troyèna. Brés de grantes entreprêses de prèt a portar coment Lacoste ou ben Petit Bateau, Troyes est considèrâye coment la capitâla eropèèna des magasins de fabreca et de trafic.

La vela est avouéc ben cognua por sa bôna-chiéra, et notament lo lendiolèt et la prunèla de Troyes, et pués tot plen de vegnôblos de Champagne. Sus lo plan geografico, la Sêna réste lo principâl avantâjo, notament grâce ux grants lècs du Bouesc d’Oriant, qu’ôfront na vâsta resèrva fônistica et de dètenta, mas étot los payis Barsèquanês, d’Ote et d’Armance et pués lors ètendues valonâyes, bouesiêes et de planes.

Los habitents de la vela s’apèlont los Troyens [lu trɔ.ˈjɛ̃] et les Troyènes [le trɔ.ˈjɛ.nə].

Cultura locâla et patrimouèno

Hèraldica

Lo blâson de Troyes.

Vêre avouéc

Lims de defôr

• Lo seto de la vela de Troyes