Limojo

Cél articllo est ècrit en arpetan supradialèctâl / ORB lârge.

Limojo
[li.ˈmɔ.dzo], [li.ˈmɔ.ðo], [li.ˈmɔ.ʒo]
Blâson
Gentilyiço	Limojôd, Limojôdaen arpetan Limougeaud, Limougeaudeen francês Limotjaud, Limotjaudaen occitan limosencLemotjaud, Lemotjauda(nôrma cllassica)
Noms arpetans
En CFLL	Limozho [li.ˈmɔ.ðo]
Noms ètrangiérs
Nom latin (racena)	Augustŏrĭtum Cīvĭtās Lĕmŏvīcum
Nom francês	Limoges [li.mɔʒ]
Nom occitan	Limòtges [li.ˈmɔ.tses]en occitan limosencLemòtges(nôrma cllassica)
Nom catalan	Llemotges Limotges
Nom breton	Lemojez
Administracion
Règion culturâla	Occitania
Règion historica	Limosin
Payis	France
Règion	Novèl’Aquitania
Dèpartament	Hiôta-Vièna (prèfèctura)
Arrondissement	Limojo (chèf-luè)
Entèrcomunalitât	Comunôtât d’agllomèracion Limojo Mètropola
Sendeco Mandat	Émile-Roger Lombertie (Los Rèpubliquens) 2014-2020
Code postâl	87000, 87100, 87280
Code comena	87085
Dèmografia
Populacion municipâla	135 098 hab. (2013)
Densitât	1 744 hab./km2
Populacion agllomèracion	282 971 hab. (2012)
Geografia
Coordonâs	45° 51′ 00″ bise, 1° 15′ 00″ levant
Hôtior	Min. 209 m Max. 431 m
Supèrficie	77,45 km2
Èlèccions
Dèpartamentâles	Chèf-luè de nôf cantons
Localisacion
Geolocalisacion sus la mapa : Novèl’Aquitania Limojo Geolocalisacion sus la mapa : Hiôta-Vièna Limojo Geolocalisacion sus la mapa : France Limojo Geolocalisacion sus la mapa : France Limojo
Lims
Seto Vouèbe	ville-limoges.fr

Limojo [li.ˈmɔ.dzo] (Limoges [li.mɔʒ] en francês, Limòtges [li.ˈmɔ.tses] en occitan limosenc, Lemòtges (nôrma cllassica) [le.ˈmɔ.tʒes] en occitan lengouadocien) est na comena francêsa et occitana du sud-ouèste de la France, prèfèctura du dèpartament de la Hiôta-Vièna. Capitâla historica de la vielye province du Limosin, el est yon des polos d’èquilibro de la règion Novèla-Aquitania.

Granta vela d’Aquitania u Moyen Âjo, la vela est brâvament marcâye per lo rayonament culturâl de l’abayie Sant-Marciâl.

Limojo, que réste atacha a ses ostensions, est portant des côps surnomâye « la vela roge » ou ben « la Roma du socialismo » a côsa de sa tradicion de voto de gôche et pués des èvènaments ovriérs que cognét dês lo XIX^émo tant qu’u comencement du XX^émo siècllo.

A côsa de sa politica patrimoniâla, la vela pôrte lo lambél « Vela d’ârt et d’histouère » dês 2008.

Seconda comena la ples poplâye de la règion Novèla-Aquitania aprés Bordôx, vela univèrsitèra, trêsiéma règionâla per son importance aprés Pouètiérs mas devant Pâl et La Rochèla, centro administratif et de sèrviços entèrmèdièros dotâ de tôs los èquipements d’una mètropola règionâla, son sôl urben rassemble 283 557 habitents en 2016, cen que nen fât lo siésiémo du Grant Sud-Ouèste aprés Toulousa, Bordôx, Montpelyér, Pèrpignan et Bayona pués lo 38^émo en France. Enfin, la capitâla limosenche est la 28^éma comena la ples poplâye en France.

Vela de tradicion bouchiére, sièta de yon des numerôs yon mondiâls de les artimbales èlèctriques por lo bâtiment, el est avouéc ben posicionâye dedens l’endustria du luxo. Cognua et recognua coment « capitâla des ârts du fuè » a côsa de l’emplantacion adés presenta de les grantes mêsons de porcelana, de sos ateliérs d’ârt que travalyont l’èmâlye ou ben los vitrâlys, mas étot a côsa du dèvelopament de son polo de compètitivitât spècialisâ dens la cèramica tècnica et endustriâla.

Pôsa sus los premiérs contrefôrts cuchientencs du Massis centrâl, Limojo est travèrsâye per la Vièna, que fut, a l’origina, lo premiér endrêt de passâjo a goua. Entourâye d’un cârro campagnârd gouardâ de tota cultura ou ben èlevâjo entensifs, la « vela que rentre en campagne » s’èpate dessus 78 km².

Los habitents de la vela sont apelâs los Limojôds [lu li.mɔ.ˈdzo] et les Limojôdes [le li.mɔ.ˈdzoː.də].

Geografia

Lo pont Sant-Ètièno sus la Vièna.

Toponimia

Limòtges (òc) / Limoges (fr).

Cultura locâla et patrimouèno

Hèraldica

Lo blâson de Limojo.