Legne dês Liyon-Pèrrâche tant qu’a Geneva (frontiére)
|
Cél articllo est ècrit en arpetan supradialèctâl / ORB lârge. | 
|
La legne dês Liyon-Pèrrâche tant qu'a Geneva (frontiére) est un des âxos les més emportants de la baragne ferroviére arpetane : el fêt lo lim entre les aglomèracions de Liyon et de Geneva que sont les doux aglomèracions les més grantes d'Arpetania, et est dens lo selyon arpenc (Geneva - Valence via Grenoblo) de Geneva a Culo. Du trafic pèriurben y circule de Liyon a Ambèriô. D'Ambèriô a Culo, el est un mâlyon radiâl de la baragne francése, por reliyér la legne de la Môriéna.
El a donc des trafics prods diversifiês : TÈR Ôvèrgne-Rôno-Ârpes, Lèman Èxpress, TGV Geneva - Paris et trens de marchandises.
El est la legne 890 000 de la baragne de la SNCF.
Situacion et parcôrs
[changiér | changiér lo tèxto sôrsa]La legne a doux seccions avouéc des caractèristiques difèrentes. De son pouent de dèpârt tant qu'a Ambèriô, el reste dens la plana de la Coutiére lo long du Rôno, dens la zona pèriurbèna de Liyon. Et pués el devient sinuôse, en passant dens lo Bugê dens la cluse des Hôpitiôx, pués lo long du Rôno (que passe dens les gôrges). La seccion terminâla dens l'aglomèracion de Geneva est més plana.
Histouère
[changiér | changiér lo tèxto sôrsa]Crèacion
[changiér | changiér lo tèxto sôrsa]Aprés de nombrôses ètudes et nègociacions, la lê n° 549 promulgâye lo finalise les condicions et l'organisacion de la « concession du Chemin de fêr de Liyon a la frontiére de Geneva, avouéc embranchement sur Bôrg et Mâcon ».
Céta lê confirme Ambèriô come pouent de dèpârt d'un embranchement que se raccorde a la legne de Paris a Liyon.
En 1855, la Compagnie du chemin de fêr de Liyon a Geneva rèalise na ètuda sur les gâres a uvrir entre-mié Ambèriô et la frontiére suisse, na notice projèt est fête por châcon arrêt, lo .
Aprés la bancarota de la Compagnie du chemin de fêr Grant-Centrâl de France en 1857, el a étâ rèpartêta entre d'ôtres compagnies avouéc prod d'argent por en absorbar les consèquences financiéres. La Compagnie des chemins de fêr de Paris a Liyon et a la Mèditèrranê est fondâye por fusion de pllesiors compagnies, dont céla du chemin de fêr de Liyon a Geneva. Céta fusion est actâye lo .
La seccion entre-mié Liyon Sant-Cllâr et Ambèriô uvre lo , la seccion dês Ambèriô tant qu'a Sêssél uvre lo , et la seccion dês Sêssél a Geneva uvre lo . La legne est finâlisâye dens Liyon avouéc l'uverture de la seccion Sant-Cllâr - Brotiôx lo et pués la seccion Brotiôx - Gulyotiére lo , dèjâ raccordâye a la gâra de Liyon-Pèrrâche et a la legne dês Paris tant qu'a Marselye.
Èvolucion
[changiér | changiér lo tèxto sôrsa]
La convencion entèrnacionala entre la France et la Suisse signâye lo permet u canton de Geneva de rachetar la seccion sur son territouére entre-mié Geneva-Cornavin et La Plana. Céta convencion est aprovâye en France por na lê lo , et promulgâye por dècrêt lo . Lo rachat du canton de Geneva prend èfèt lo . Na convencion est signâye entre la Compagnie PLM et los CFF, d'ense los trens que vegnont de France povont accèdar a la gâra de Geneva-Cornavin.
La legne est èlèctrifiâye en corent continu 1,5 kV, lo de Liyon-Pèrrâche a Liyon-Sant-Cllâr, pués lo de Liyon-Sant-Cllâr a Culo.
Lo , èlèctrificacion entre-mié Mâcon, Bôrg et Ambèriô, pués lo entre-mié Culo et Belagouarda. Finalament, les catènêres ategnont Geneva lo , avouéc un tren inôgurâl tractâ por la locomotiva èlèctrica CC 7121 (qu'aviêt batu lo recôrd du mondo de vitèsse sur râly).
En 1980, entrâ en sèrviço du cort-circuit avouéc vie directa franchissâblo a 60 km/h por les relacions Geneva - Grenoblo - Valence, que suprimont lo rebrossament et l'arrêt de céls trens a Culo. Lo , premiér sèrviço comerciâl des TGV Geneva - Paris via Belagouada, Culo, Ambèriœ et Bôrg. En mê 1987, modificacion de la legne ux confins de Geneva, avouéc la construccion de la gâra de Geneva-Aèrogâra : les 2 vies prencipâles a ciél uvert sont re-èlèctrifiâyes en 15 kV 16,7 Hz (trafic unicament CFF a destinacion de l'aèrogâra), lo trafic SNCF circule sur na vie unica passant desot les 2 vies dens lo tunél de la Châteléna). Des jonccions de secors ont étâ construétes, avouéc des seccions de sèparacion, entre lo 1500 V continu et le 15 kV alternatif por los encidents sur les vies CFF ou ben dens lo tunél de la Châteléna.
Lo , dèrriér jorn de sèrviço por la vielye gâra de Liyon-Brotiôx, remplaciêe lo matin d'aprés por la Gâra de Liyon-Pârt-Diô.
Lo et por 6 semanes, dèsèlèctrificacion de Geneva - Belagouarda, por y remplaciér avouéc du corent 25 kV 50 Hz[1].
Circulacions
[changiér | changiér lo tèxto sôrsa]Entrâ en sèrviço et retrèt
[changiér | changiér lo tèxto sôrsa]Anâs 1950
[changiér | changiér lo tèxto sôrsa]- 1953 : durant lo chôd-temps, entrâ en sèrviço de la relacion Geneva - Digne via Culo, Chambèri, Grenoblo et Vênes-Dèvolui, assurâye avouéc los ôtorâlys XDC 2001 a 2110 (renumèrotâs dens la sèria X 52100) du centro de Grenoblo
- 1954 : lo 30 de jouin, crèacion du tren Geneva - Bordôx via Culo, Liyon et Cllârmont-Fèrrand, avouéc des RGP2 de la sèria X 2700 du dèpôt de Liyon-Vése. Entrâ en sèrviço des ôtorâlys X 2400 du dèpôt de Liyon-Vése sur na relacion Liyon-Geneva
- : los ôtorâlys panoramicos X 4205 et X 4206 sont apondus sur la relacion « Ârpazur » Geneva - Digne via Grenoblo
Anâs 1960
[changiér | changiér lo tèxto sôrsa]- : crèacion du tren rapido « Lo Rôdanenc » Geneva - Marselye via Culo, Èx, Chambèri, Grenoblo, Valence et Avignon, avouéc des RGP1 ex-TEE de la sèria X 2770
- : crèacion du tren « Catalan » Geneva - Cervére via Culo, Chambèri, Grenoblo, Valence, Avignon, Nimes, Montpelyér, Narbona et Perpignan, avouéc des RPG2 X 2700
- : dèrriér jorn de circulacion por lo « Catalan », et remplacement lo lendeman por lo TEE « Catalan Talgo » Geneva - Barcelona via Culo, Chambèri, Grenoblo, Valence, Avignon, Nimes, Montpelyér, Narbona, Perpignan, Figueras et Gèrona
- sèptembro 1969 : prolongement tant qu'a Geneva des trens rapidos Bordôx - Liyon
Anâs 1970
[changiér | changiér lo tèxto sôrsa]- : dèrriér jorn de circulacion du tren rapido « Lo Rôdanenc » Geneva - Marselye via Grenoblo
- 1972 : dèrriére circulacion des ôtorâlys X 52000 et X 52100 de Geneva a Grenoblo via Culo
- jouin 1975 : des ôtorâlys X 4500 remplaçont los ôtorâlys X 4200 sur lo tren de chôd-temps « Ârpazur »
- septembro 1975 : dèrriére circulacion de « l'Ârpazur » de Geneva tant qu'a Digne
- : lo tren TEE « Catalan Talgo » Geneva - Barcelona transite via Liyon u luè de Grenoblo
- : entrâ en sèrviço des turbotrens ETG sur Geneva - Valence via Culo et Grenoblo
Anâs 1980
[changiér | changiér lo tèxto sôrsa]- 1987 : entrâ en serviço de les rames Corâly avouéc locomotives èlèctriques BB 25200 sur Lyon - Geneva
- : lo « Catalan Talgo » Geneva - Barcelona perd sa qualificacion de TEE et devient EC, et dèssèrt tôrna Grenoblo u luè de Liyon
Anâs 1990
[changiér | changiér lo tèxto sôrsa]- : dèrriér jorn de circulacion du tren « Catalan Talgo » Geneva - Barcelona via Grenoblo
- : crèacion d'un TGV Geneva - Montpelyér via Bèlagouârda, Ambèriô, Liyon et Nimes
Anâs 2000
[changiér | changiér lo tèxto sôrsa].JPG)
- mê 2000 : crèacion d'un TGV Thalys Geneva - Brusséla via l'aèrogâra Charlo de Gâlya 2 TGV
- 2002 : circulacion quotidièna de 4 alar-retôrns TGV Geneva - Paris
- : dèrriér jorn de circulacion du TGV Thalys Geneva-Brusséla
- dècembro 2005 : crèacion d'un TGV Geneva - Marselye via Bèlagouârda, Ambèriô, Liyon et Avignon TGV
- : la locomotiva èlèctrica BB 25256 (sèria BB 25200) tracte lo TER 96566 Geneva - Liyon de 8 vouètures Corâly
- 2008 : entrâ en sèrviço de les ôtomotrices Z 27500 por la liyêson Liyon - Geneva via Culo et Bèlagouârda
- 2008 : circulacion quotidièna de 6 alar-retôrns TGV Geneva - Paris (7 los devendros)
- jouin 2009 : entrâ en sèrviço des B 82500 por remplaciér los X 72500 sur la legne du selyon arpenc (Valence - Grenoblo - Chambèri - Geneva)
- out 2014 : entrâ en sèrviço des Flirts RABe 522 et des Colibris RBDe 562 sur la seccion Geneva - Bèlagouârda por La Plana
Trens notâblos
[changiér | changiér lo tèxto sôrsa]- Geneva - Paris via Bôrg et Dijon (devant 1981)
- « Hispania Express » dês lo chôd-temps 1963 Copenaga - Cervére/Portbou via Lübeck, Hambôrg, Hanovra, Francfôrt-sus-lo-Men, Mannheim, Fribôrg en Brisgau, Bâla, Bièna, Losena, Geneva, Bèlagouârda, Liyon-Brotiôx, Valence, Avignon, Nimes, Montpelyér, Besièrs, Narbona, Perpignan. Cél tren aviêt avouéc des vouètures directes depués Dortmund via Essen, Düsseldorf, Cologne, Bonn et pués Malyence. La legne a étâ limitâye a Hambôrg - Cervére/Portbou dês lo chôd-temps 1969, pués u trajèt Bâla - Cervére/Portbou dens les anâs 1990 et supprimâye en 2001.
- Geneva - Hendaia/Irun
- Geneva - Bordôx via Culo, Liyon et Cllârmont-Fèrrand (dês lo )
- « Catalan » Geneva - Cervére via Bèlagouârda, Culo, Chambèri, Èx, Grenoblo, Valence, Avignon, Nimes, Montpelyér, Besièrs, Narbona et Perpignan (dês lo tant qu'u )
- « Ârpazur » Geneva - Digne via Culo, Chambèri, Grenoblo et Vênes-Dèvolui por la legne des Ârpes (dês lo ), sur la seccion Geneva - Culo
- « Lo Rôdanenc », Geneva - Marselye via Bèlagouârda, Culo, Èx, Chambèri, Grenoblo, Valence et Avignon (dês lo tant qu'u ), sur la seccion Geneva - Culo
- « Catalan Talgo », Geneva - Barcelona, TEE de premiéra classa, pués EC avouéc les 2 classes (dês lo tant qu'u )
- « Rôno-Ocèan » Geneva - Ôrê - Quemper via Liyon et Nantes (chôd-temps)
- « Thalys » TGV Geneva - Brusséla (dês mê 2000 tant qu'u )
Dèscriptif
[changiér | changiér lo tèxto sôrsa]Artimbales roulantes utilisâyes
[changiér | changiér lo tèxto sôrsa]
Locomotives a vapor
[changiér | changiér lo tèxto sôrsa]- 141 C des dèpôts d'Ambèriô, d'Anemasse et de Grenoblo (1924 - 1942)
- 141 E (èx-141 C modifiâyes) des dèpôts d'Ambèriô, d'Anemasse et de Grenoblo (1942 - 1955)
- 141 F (èx-141 C modifiâyes) des dèpôts d'Ambèriô, d'Anemasse et de Grenoblo (1946 - 1955)
- C 5/6 des CFF amodeyêes por la SNCF sur Geneva - Ambèriô (1945 - 1946)
- 141 R des dèpôts d'Ambèriô, Venécié, Grenoblo et Anemasse (1946 - 1958)
Locomotives diesèl
[changiér | changiér lo tèxto sôrsa]- BB 67300 du dèpôt de Chambèri (sur Geneva - Grenoblo - Valence). Dès ora, cétes artimbales sont pas a les normes UIC antipolucion (Euro 5/Euro 6), et sont entèrdites a Geneva (enqu'houé, mâques los trens tèrmicos des CFF conformos et los futurs trens locotractors bi-modo/bi-frèquence et diesèl povont tractar los trens èlèctricos si o y at un problémo avouéc les catènéres)
- CC 72000 du dèpôt de Venécié, pués du dèpôt de Nevers (sur Geneva - Grenoblo - Valence). Mâques los CC 72100, qu'ont étâ remotorisâs, povont alar a Geneva
Locomotives èlèctriques
[changiér | changiér lo tèxto sôrsa]- 2D2 9100 du dèpôt de Liyon-Mouche
- BB 8100 du dèpôt de Liyon-Mouche
- CC 7100 du dèpôt de Liyon-Mouche
- BB 9200 du dèpôt de Liyon-Mouche
- BB 9300 du dèpôt de Velanôva-Sant-Jôrjo
- BB 9400 du dèpôt de Liyon-Mouche
- CC 6500 du dèpôt de Liyon-Mouche
- BB 7200 du dèpôt de Liyon-Mouche
- BB 25200 du dèpôt de Liyon-Mouche
- BB 25500 du dèpôt de Liyon-Mouche
- BB 26000 du dèpôt de Dijon-Pèrrigni
- BB 22200 Chambèri
Ôtorâlys
[changiér | changiér lo tèxto sôrsa]- Ôtorâly Bugatti (tant qu'en mê 1954)
- X 52000 et X 52100 du Centro ôtorâlys de Grenoblo, sur la legne Geneva - Digne via Culo et Grenoblo (1953 - 1972)
- X 2400 du dèpôt de Liyon-Vêse
- X 2700
- X 4200 du dèpôt de Marselye-Bllancharda sur lo tren « Ârpazur » Geneva - Grenoblo - Digne (1959 - 1974)
- X 2770 èx-TEE du dèpôt de Marselye-Bllancharda, sur « Lo Catalan » et pués « Lo Rôdanenc » (1965 - 1971)
Ôtomotrices
[changiér | changiér lo tèxto sôrsa]
- Turbotrens ETG sur Valence - Grenoblo - Geneva (dês lo )
- Z2 de la sèria Z 9600
- TER 2N de la sèria Z 23500
- TER 2N-NG de la sèria Z 24500
- ZGC de la sèria Z 27500
- X 72500 (tant qu'au )
- X 73500 por remplaciér des X 72500
- bi-modos bi-corents BGC B 82500 du dèpôt de Liyon-Vêse (depués lo )
- de côps, des BGC 81500 sont utilisâs, en modo èlèctrico 1500 volts continu (mas dès ora ils devont repartir de Geneva en modo tèrmico a cosa de l'èlèctrificacion 25kV 50 Hz de Geneva a Bèlagouârda)
La legne enqu'houé
[changiér | changiér lo tèxto sôrsa]Ux alentorns de Geneva, des TGV Geneva - Paris circulont sur la legne, ils transitont por Bèlagouârda et pués la legne du Hiôt-Bugê. Los trens Geneva - Chambèri - Grenoblo - Valence circlulont de Geneva a Culo. A Culo, un racordament (limitâ a 60 km/h) èvite lo rebrossament des trens en direccion d'Èx.
A Longerê, u levant de Bèlagouârda, se trove la bifurcacion por la legne en direccion d'Anemasse et Èvian, yô transitont les relacions Liyon - Anemasse - Èvian et pués Èvian - Paris.
Legne modèrnisâye
[changiér | changiér lo tèxto sôrsa]La seccion Bèlagouârda - Geneva est rèèlèctrifiâye en 25 kV 50 Hz en 2014 por y fêre entrar en sèrviço lo Lèman Èxpress et la legne CEVA. La bifurcacion en direccion de l'aèrogâra de Geneva est asse-ben modifiâye por èliminar la vie unica entre la bifurcacion et la gâra de Geneva-Aèrogâra.
Notes et rèfèrences
[changiér | changiér lo tèxto sôrsa]Vêre avouéc
[changiér | changiér lo tèxto sôrsa]Bibliografia
[changiér | changiér lo tèxto sôrsa]- Jacques Defrance, Le matériel moteur de la SNCF, N.M. Paris, 1969.
- Jean-Chaintreau, Jean Cuynat, Georges Mathieu, Les Chemins de fer du PLM, La Vie du Rail et La Régordanne, 1993.
- Patricia et Pierre Laederich, André Jacquot, Marc Gayda, Histoire du réseau ferroviaire français, Ormet, Valignat, 1996.
- Maurice Mertens, Jean-Pierre Malaspina, La légende des Trans Europ Express, LR-Presse, 2007.
- Bernard Collardey, « Lyon - Genève, un axe très fréquenté », dans Rail Passion nô 121, ,pp. 42-66.
- Jean-Marc Dupuy, « Les archives du PLM, tome 1 : l'histoire de la Compagnie des origines à 1899 », dans Le Train, numéro hors-série, 2008.
