Gâra de Liyon-Jian-Macé
|
Cél articllo est ècrit en arpitan[V 1] liyonês / ORB lârge. | 
|
La gâra de Liyon-Jian-Macé, tot-pariér la gâra Jian-Macé, avouéc lo nom inicial "halta Jian-Macé" est na gâra ferroviére arpitana[V 2] et pués francêse des lignes[V 3] depués[V 4] Liyon-Pèrrâche jusqu'a[V 5] Marselye-Sant-Charlo (via Grenoblo) et depués Paris Gâra de Liyon jusqu'a Marselye-Sant-Charlo. El est situâ u crouésement des avegnues Jian Jôrés et pués Berthelot, a 171 métros de hiôtor diens lo sèptiémo arrondissament de Liyon, ch·èf-luè de la Mètropola de Liyon et de la règ·ion Ôvèrgne-Rôno-Ârpes.
El a aviu étâ uvèrta en 2009, por la SNCF (Sociètât Nacionala des Chemins de Fèr francês).
O-v est[V 6] na gâra de voyagiors SNCF desservie por des trens TER Ôvergne Rôno-Ârpes. El est asse-ben un pouent de correspondance multimodâl avouéc lo tren, lo mètro B et pués lo tramevê T2.
Situacion ferroviére
[changiér | changiér lo tèxto sôrsa]La gâra de Liyon-Jian-Macé est enstalâ[V 7] u pouent kilomètrico PK 512,2 de la ligne depués Paris-Liyon jusqu’a Marselye Sant-Charlo, entre-mié les gâres de Liyon-Pèrrâche et de Sent-Fons, et pués sur la ligne de Liyon-Pèrrâche jusqu’a Marselye Sant-Charlo (via Grenoblo), entre-mié les gâres de Liyon-Pèrrâche et de Vènissiœx.
El est asse-ben sur lo trajèt de la ligne de Liyon-Pèrrâche jusqu'a Geneva (frontiére), mas o y at gins de quê que pôt étre desservi sur ceta ligne.
Histouère
[changiér | changiér lo tèxto sôrsa]Céla gâra est diens lo projèt BEEL (Baragne Express de l'Ére mètropolitêna Liyonêse)[N 1], por dèchargiér du trafic depués les gâres de Pârt-Diô et Pèrrâche, avouéc des accès depués la baragne des TCL (Transpôrts en Comon Liyonês).
En 2004, la gâra devêt étre na simpla halta sens personèl, mas l'anciéna règ·ion Rôno-Ârpes att demandâ l'èvolucion du projèt avouéc la crèacion d'un guichèt avouéc personèl. El at étâ inogurâ[V 8] lo [1] et uvèrte u trafic voyagiors 5 jorns aprés.
El se trove u pont ferroviére sur l'avegnue Jian Jôrês, u crouèsement avouéc l'avegnue Berthelot. U pllan-pied, o y at doux sales d'entrâ, desot lo pont, de pârt et d'ôtra de l'avegnue. Des ascensors permetont de rejouendre lo quê centrâl de 250 métros de long, desservi por los trens.
Frèquentacion
[changiér | changiér lo tèxto sôrsa]La SNCF estime lo trafic a 1 181 281 voyagiors en 2019[2].
Sèrvices ux voyagiors
[changiér | changiér lo tèxto sôrsa]Reçua
[changiér | changiér lo tèxto sôrsa]Gâra de la SNCF, el at un guichèt uvèrt du delon u dessando et fermâ lo demenche et los jorns de fétes. O y at des ôtomatos por achetar des belyéts de tren[3].
Dèssèrta
[changiér | changiér lo tèxto sôrsa]Tués los jorns, la gâra est dèssèrvie por des trens TER Ôvèrgne-Rôno-Ârpes, des relacions :
- dês Liyon-Pèrrâche (ou bien Mâcon-Vela) a Valence, Piérralata ou Avignon-Centro
- dês Liyon-Pèrrâche (ou bien Velafranche) a Vièna
- dês Liyon-Pèrrâche a Sant-André-lo-Goua
Entèrmodalitât
[changiér | changiér lo tèxto sôrsa]O y at un pârc por los vèlos avouéc un sèrviço de locacion, et un ôtro por les vouètures.
Diens los hals, o y at des ècrans d'acuely avouéc les endicacions por los prochens trens, et por lo mètrô B et lo tramevê T2.
Les lignes de bus C4, C7, C12, C14, 35 et 64 sont a proximitât de la gâra.
Fresca du centenére
[changiér | changiér lo tèxto sôrsa]Tot u long de l'avengnue Berthelot, o y at un carnet de voyâjo avouéc 24 paniôx[V 9] a la hiôtor des voutes de sotien. Inôgurâ lo , il relate l'histouère du quartiér de la Guilyotiére[4].
Notes et rèferences
[changiér | changiér lo tèxto sôrsa]Rèferences
[changiér | changiér lo tèxto sôrsa]- http://www.lyon.lyftv.com/2009/12/sncf-la-gare-jean-mace-nouvelle.html#.WEJeginbtTY
- https://ressources.data.sncf.com/explore/dataset/frequentation-gares/table/?q=87282624
- https://www.ter.sncf.com/auvergne-rhone-alpes/gares/87282624/Lyon-Jean-Mac%C3%A9/pratique
- https://web.archive.org/web/20161108052111/http://cite-creation.com/infos-fresques/la-fresque-du-centenaire-lyon-7e-sera-inauguree-le-9-mars-2012/
Notes
[changiér | changiér lo tèxto sôrsa]- En francês, REAL (Réseau express de l'aire métropolitaine lyonnaise)
Vocabulèro
[changiér | changiér lo tèxto sôrsa]- Varianta liyonêse [aʀ.pi.ˈtã] de « arpetan » m.
- Varianta liyonêse [ar.pi.ˈtaː.na] de « arpetana » a f.
- Varianta liyonêse [ˈli.ɲi] de « legnes » fpl.
- Varianta liyonêse [də.ˈpɥi] de « dês » prèp.
- « jusqu’a » [ʒys.ˈk‿a] loc prèp est lo parlament liyonês por « tant qu’a » loc prèp.
- Varianta liyonêse [ɔ.ˈv‿e] de « o est » loc v.
- Varianta liyonêse [ɛ̃.sta.ˈlo] de « enstalâye » a f.
- Varianta liyonêse [i.no.gy.ˈro] de « inôgurâye » a f.
- Varianta liyonêse [pa.ˈŋo] de « panéls » pl.
