Ecôrchevél (comena)

Cél articllo z-est ècrit en arpetan savoyârd / ORB lârge.

Por los articllos homonimos, vêde Ecôrchevél.

Ecôrchevél

[kuʁ.tsə.ˈve]

Viua sur la stacion de squi de La Tagna d’hivèrn.

Gentilyiço

Ecôrchevelês, Ecôrchevelêsa

Noms arpetans

En CFLL

Kourtsevé

Noms ètrangiérs

Nom francês

Courchevel

Administracion

Règion
culturâla

Savouè(en Tarentèsa)

France

Nom de règ·ion ou de colèctivitâ mâl-rèdigiê ou ben absent por nen savêr més cllicâd-ique ou ben por l’outre-mar cllicâd-ique. Per dèfôt, la mapa de g·eolocalisacion est cela de la France mètropolitana.

Philippe Mugnier
2017-2020

Dèmografia

Populacion
municipâla

2 419 hab. (2016)

Densitât

35 hab./km²

Geografia

Coordonâs

45° 26′ 05″ bise, 6° 38′ 16″ levant

Hôtior

Min. 599 m
Max. 3 054 m

Supèrficie

68,9 km²

Èlèccions

Dèpartamentâles

Motiérs

Localisacion

Geolocalisacion sus la mapa : France

Ecôrchevél

Geolocalisacion sus la mapa : France

Ecôrchevél

Lims

Seto Vouèbe

mairie-courchevel.com

Ecôrchevél [CFLL : Kourtsevé] (Courchevel en francês) est na comena francêsa et arpetana de Tarentèsa, que sè trôve dens lo dèpartament de la Savouè-d’Avâl en règ·ion Ôvèrgne-Rôno-Ârpes.

El’est fêta le 1^ér de janviér 2017 desot le statut de comena novèla aprés la fusion de les comenes de Sent-Bon et La Pèrriére.

Los habitents du velâjo sont apelâs los Ecôrchevelês et les Ecôrchevelêses.

G·eografia

Articllos dètalyês : Ecôrchevél, La Pèrriére et Sent-Bon.

Localisacion

La comena sè trôve diens la comba de la Tarentèsa, dediens la partia levantenche et montagnosa du dèpartament de la Savouè-d’Avâl, diens les Ârpes de Bise. Le tèrritouèro de la comena est sur la riva gôche du Doron de Bosél.

A fllanc des doux vielys bôrgs de La Pèrriére [CFLL : La Pèrîr] et de Sent-Bon [CFLL : Sé Bon], la comena at 5 nivéls de stacions de squi sur son tèrritouèro : Ecôrchevél Vers-lo-Prât [CFLL : Vlo Pra], Ecôrchevél 1550 [CFLL : Kourtsevé kinz hin hïnkanta] tot pariér Ecôrchevél Velâjo, Ecôrchevél 1650 [CFLL : Kourtsevé sèz hin hïnkanta] tot pariér Ecôrchevél Montriond, Ecôrchevél 1850 [CFLL : Kourtsevé diz ui sin hïnkanta] tot pariér Ecôrchevél et La Tagna (ortografiâ Tagna devant la crèacion de la stacion de squi en 1991).

A fllanc de celos ensemblos principâls, y at tot pariér doux-três vielys petiôts velâjos :

diens la vielye comena de Sent-Bon : los velâjos du travèrs que sont Le Petiôt et Le Grant Carrê, La Cuerdi [CFLL : La Kouèrdi], Le Fontanél [CFLL : Le Fontani], Vers-lo-Greniér [CFLL : Vlo Granié], Vers-lo-Fo [CFLL : Vlo Fè], Vers-lo-Bouesson [CFLL : Vlo Bouèsson] ; pués d’amont le bôrg, los velâjos de La Jèra [CFLL : La Jèra], Le Frenê et Montcharvèt ;
diens la vielye comena de La Pèrriére : La Nôva [CFLL : Nouva], Le Formiér, Villaflou, Villarnard, Champétel, Les Chavones, Vignotan.

Comenes vesenes

Le tèrritouèro d’Ecôrchevél est vesin de celos de siéx ôtres comenes :

de **Ecôrchevél**
Bôrda Montagni	Bosél
Los Aluès		Le Planê
		Prât-Lognan

G·eologia et relièf

Cllimat

Toponimia

Le nom sè rapond a la stacion de sports d’hivèrn d’Ecôrchevél qu’est sur le tèrritouèro de Sent-Bon^[1].

Histouère

La comena vint u mondo du regroupâjo de les doves comenes de Sent-Bon et La Pèrriére. Los consèlys municipâls de les doves comenes adoptont le projèt, cél de La Pèrriére le 23 de jouen 2016, et pués cél de Sent-Bon, a l’unanimitât, le 27 de jouen aprés^[1]. La comena est oficièlament fêta per l’arrètâ prèfèctorâl du 8 d’oût 2016 qu’entre en vigor le 1^ér de janviér 2017^[2].

Politica et administracion

Lista des sendecos

Lista des sendecos succèssifs
Temps	Identitât	Parti	Qualitât
2017 - ....	Philippe Mugnier	LR
Les balyês devant 2001 sont p’oncor cognues.

Relacions entèrnacionâles

Bessonâjos

La comena d’Ecôrchevél z-est bessonâ avouéc la stacion de squi amèriquèna de Park City.

Populacion et sociètât

Los habitents du velâjo sont apelâs los Ecôrchevelês et les Ecôrchevelêses (Courchevelois et Courcheveloises en francês).

Dèmografia

Èvolucion dèmografica
2013	2014	2016
2 376	2 370	2 419
Nombro retegnu dês 1990 : Populacion sen doblos comptos.

Èconomia

Cultura locâla et patrimouèno

Endrêts et monuments

Égllése Sent-Bon (consacrâ a sent Bônèt de Cllârmont) ;
Chapèla Noutra-Dama-de-l’Assompcion d’Ecôrchevél ;
Viôrga de l’égllése Sent-Jian-Bâptista de La Pèrriére ;
Chalèt Joliot-Curie (1949-1950) ;
Greniér La Goupille ;
Chalèt Le Petit Navire (1951).

Bôna-chiéra

Patrimouèno culturèl

Tôs los ans, a la fin de julyèt, le dessando aprés la Senta-Marie-Madelêna, y at la vôga de la Madelon diens le velâjo de Vers-lo-Prât avouéc un’èxposicion d’artisans du cârro, na distribucion de sopa et pués un bal per chavonar la jornâ.

Patrimouèno naturèl

Na partia de la comena z-est comprêsa diens le parc nacionâl de la Vanouèsa.

Pèrsonalitâts liyês a la comena

Hèraldica

Galerie d’émâges

Ecôrchevél 1850 dês le dous de la Lôza.
Los sôts a squi de Vers-lo-Prât.
La stacion de squi de La Tania entre-mié Vers-lo-Prât et Merebél.
Le bôrg de Sent-Bon enqu’houé.
Sent-Bon los ôtros côps.
L’agouelye du Fruit, 3 051 m, sonjon de la comena.

Vér avouéc

Wikimedia Commons propôse de documents multimèdia libros sus Ecôrchevél.

Bibliografia

Lims de defôr

Notes et rèferences

Notes

Rèferences

↑ ^1,0 et ^1,1 (fr) Anne Hédiard, « La commune de Courchevel existe enfin après la fusion de La Perrière et de Saint-Bon-Tarentaise, en Savoie », france3-regions.francetvinfo.fr/,‎ 28 jouen 2016 (en legne).
↑ (fr) « recueil des actes administratifs de Savoie », 17 d’oût 2016

[F3_28062016-1] 1,0 et ^1,1 (fr) Anne Hédiard, « La commune de Courchevel existe enfin après la fusion de La Perrière et de Saint-Bon-Tarentaise, en Savoie », france3-regions.francetvinfo.fr/,‎ 28 jouen 2016 (en legne).

[arrètâ-2] (fr) « recueil des actes administratifs de Savoie », 17 d’oût 2016

[1]

[2]