Vouiquipèdia:Lumiére dessus…/Sant-Nesiés (Charluês)
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 27 de mê 2023 tant qu’u demécro 31 de mê 2023.
Sant-Nesiés [sã nzi] (Saint-Nizier-sous-Charlieu [sɛ̃ ni.zje su ʃaʁ.ljø] en francês) est una comena francêse et arpetanna du Charluês en Rouanês, que sè trôve dens le dèpartement de Lêre en règion Ôvèrgne-Rôno-Ârpes.
Le velâjo sè trovêt avèrti dedens le Liyonês historico.
Les habitents du velâjo s’apèlont les Sant-Neserots [le sã nze.ˈʀo] et les Sant-Neserotes [le sã nze.ˈʀot].
Geografia
[changiér lo tèxto sôrsa]Le bôrg de la comena sè trôve lé-avâl le pendolin d’un torrâl — qu’est veriê en mide — u bôrd drêt de Sornan dedens le Charluês a la bise du Rouanês.