Vouiquipèdia:Lumiére dessus…/Salôrro
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 12 de mârs 2021 tant qu’u demârs 16 de mârs 2021.
Salôrro [sa.ˈluː.ro] (Solothurn [ˈzoː.lo.tʊrn] (Acutâde) en alemand, Soledurn [ˈsɔ.lə.dʊːrn] ou ben [ˈsɔː.lə.dʊːrn] en tuche, Soleure [sɔ.lœʁ] en francês, Soletta [so.ˈlet.ta] en étalien, Soloturn (Acutâde) en roumancho) est na vela et pués na comuna suissèssa du quenton homonimo, qu’est lo ch·èf-luè.
Èyent abritâ la siéta de l’ambacsaria de France dês 1530 tant qu’a 1792, Salôrro est de cotema apelâye « vela des ambacsiors ». La vielye vela dens son ètat de môda est étâye bâtia en grant’empartia entre-mié 1520 et 1790 et pués montre vêr na variètât de stilos arch·itècturâls difèrents, mas surtot baroco. Il est porquè Salôrro est des côps apelâye « la ples bèla vela baroca de Suisse ».
Les habitents de la vela sont a nom les Salorrents [le sa.lo.ˈrɛ̃] et les Salorrentes [le sa.lo.ˈrɛ̃.tə].