Vouiquipèdia:Lumiére dessus…/Regniér-Èseri
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dejô 29 de fevriér 2024 tant qu’u delon 4 de mârs 2024.
Regniér-Èseri [ʀɲi: ez.ˈʀi] (Reignier-Ésery [ʁɛ.ɲe ez.ʁi] en francês) ou ben de môda Regniér [ʀɲi:] z-est na comena francêsa et arpetanna du Gènevouès en Savouè, que sè trôve diens le dèpartament de la Savouè-d’Amont en règion Ôvèrgne-Rôno-Ârpes. El’est diens l’agllomèracion transfrontaliére de la Grant Gèneva.
La comena vint de la fusion de doves vielyes comenes en 1974, Regniér et Èseri.
Los habitents de la velèta ant nom los Règnerands [lu ʀe.ɲe.ˈʀã] et les Règnerandes [le ʀe.ɲe.ˈʀã.de].
Toponimia
[changiér lo tèxto sôrsa]La comena pôrte le nom de Regniér-Èseri dês le . Portâve devant solament le nom de Regniér, mâlgrât la fusion u avouéc la vielye comena d’Èseri.