Vouiquipèdia:Lumiére dessus…/Morgiér
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 15 de fevriér 2025 tant qu’u devendro 21 de fevriér 2025.
Un morgiér [mor.ˈði,
mor.ˈdzi, moʀ.ˈði, moʀ.ˈdzi], un pèrriér [pa.ˈri, pa.ˈʀi] ou ben na pèrralye [pɛ.ˈra.ʎə, pɛ.ˈʀa.ʎə] — arriér-més cognu desot son nom en angllès coment « un cairn » (que vint du gaèlico ècossês càirn, plurâl de càrn « mouél, pila de piérres ») — z-est un mouél artificièl de piérres betâ avouéc l’entencion por marcar un endrêt a pârt des ôtros. Cél tipo de mouél sè trôve la mêtiêt du temps sus los relièfs, les tôrbiéres ou ben u sonjon de les montagnes. Le tèrmo « cairn » est sovent empleyê en rèference a l’Ècossa, mas pôt asse-ben étre empleyê en ôtros endrêts.
Diont avouéc « ‘n homo de piérres » [ˌɔː.mo.ˈd‿piː.rə, ˌɔː.mo.ˈd‿piː.ʀə] en patouès de l’Arbanês, « un châthelèt » [θɑ.ɛ.ˈlɛt] en patouès sent-martenenc et pués « un signâlo » [si.ˈɲaː.lo] en patouès tignârd.