Vouiquipèdia:Lumiére dessus…/Lavètro-sus-Anzon
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demârs 2 de janviér 2024 tant qu’u dessando 6 de janviér 2024.
Lavètro-sus-Anzon [la.ˈvwe.trə sy ɑ̃.ˈzɔ̃] (Vêtre-sur-Anzon [vɛtʁ syʁ ɑ̃.zɔ̃] en francês, Las Vastres d’Anzon [la ˈva.tʀɪj d‿ɑ̃ⁿ.ˈzu] en occitan) est na comuna novèla francêse — qu’est a mêtiêt arpitana et occitana — du Forês dedins le Rouanês historico, que sè trôve dins le dèpartament de Lêre en règion Ôvèrgne-Rôno-Ârpes.
La comuna vint de la fusion u de la vielye comuna de lengoua occitana de vers Sent-Julien avouéc la vielye comuna de lengoua arpitana de vers Sent-Turin.
Los habitents du vialâjo ant nom les gens de vers Lavètro-sus-Anzon [le ʒɛ̃ d‿ve la.ˈvwe.trə sy ɑ̃.ˈzɔ̃].
Geografia
[changiér lo tèxto sôrsa]La comuna sè trôve sus los bôrds de l’Anzon et du rio Lavètro dedins les montagnes du Sêr a la bise du Forês.