Vouiquipèdia:Lumiére dessus…/La Siviére
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo delon 17 de jouin 2024 tant qu’a la demenge 23 de jouin 2024.
La Siviére [lɒ.si.ˈveː.rɪ] (Valcivières [val.si.vjɛʁ] en francês, La Civèira [lɒ.ʃə.ˈvej.ʁɔ] en occitan) est una comuna francêse et occitana de l’Ârvèrgne, que sè trôve dins le dèpartament du Pué-de-Doma en règion Ârvèrgne-Rôno-Ârpes.
Los habitents du vialâjo ant nom los Sivèrands [lu si.ve.ˈrã] et les Sivèrandes [le si.ve.ˈrãd].
Geografia
[changiér lo tèxto sôrsa]Le bôrg de la comuna sè trôve a 861 m d’hôt sus una penta du circo de vers La Siviére u pied de les Hôtes Chârmes dedins les montagnes du Sêr en Ârvèrgne.