Vouiquipèdia:Lumiére dessus…/Lê Gombèta
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 10 de septembro 2021 tant qu’u demârs 14 de septembro 2021.
.jpg)
La lê Gombèta ou ben lê des Burgondos (lex Burgundionum en latin) est un code de lês civiles et pènâles procllamâ u comencement du VIémo siècllo per lo rê des Burgondos Gondobâd, pués apondu per sos succèssors Sigismond et Godomar III, que fixe los usâjos a rèspèctar per los sujèts burgondos du Reyômo. El at por complèment la « lê romèna des Burgondos » (lex romana Burgundionum) que regârde los sujèts « romens » du Reyômo, cen vôt dére les gens galo-romènes du payis.
De bôna hora, la lex Burgundionum est étâye més ben apelâye du nom de son procllamior lex Gundobada (« lê de Gondobâd »), pués lex Gumbata, cen qu’at balyê en arpetan « lê Gombèta ».