Vouiquipèdia:Lumiére dessus…/Griva

Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 29 de julyèt 2022 tant qu’u demârs 02 d’oût 2022.

Le nom de griva [ˈɡriː.va] — ou uncor [ˈɡriː.vɒ] en patouès de les montagnes du Sêr — ou boviére at étâ balyê a plusiôrs èspèces d’usiôs qu’els sont a la famelye de los Turdidos et prôches du mèrlo (Turdus merula). Permié les èspèces rencontrês en Eropa ’os citens surtot la griva mâlvis (Turdus iliacus), la griva de vegnes ou venengièta (Turdus philomelos), la creseniére ou griva de montagne (Turdus viscivorus) et la tia-tia ou griva litôrna (Turdus pilaris). Quel nom at étâ balyê âssé en Amèrica francèyanta a les èspèces de los genros Catharus et Hylocichla (grives amèriquènes) mas âssé a la solèta èspèce du genro que s’apelâve les ôtres vês Cichlherminia lherminieri (tornâ rengiér dedins le genro Turdus lherminieri), en Asia a d’èspèces du vâsto genro Zoothera et a n’èspèce que vive sus Tristan da Cunha, la griva de Tristan da Cunha.