Vouiquipèdia:Lumiére dessus…/Franz Kafka
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo delon 27 de mê 2024 tant qu’u devendro 31 de mê 2024.
Franz Kafka [ˌfʁants ˈkaf.ka] (en alemand) Acutar est un ècriven ôstro-hongrouès bouèmien de lengoua alemanda et de religion jiua, vegnu u mondo lo a Prague et môrt lo a Kierling. Il est yon de los ècrivens majors du XXémo siècllo.
Mèclle lo rèalismo et lo fantastico dedens son ôvra. Ses ôvres ant étâ entèrprètâs coma èxplorent l’aliènacion, la fôta d’èsperance et l’absurditât, de mémo que lo tèmo de la rèsponsabilitât de l’endividu.
Surtot cognessu por sos romans Lo Procès (Der Prozeß), Les Amèriques (Amerika) et Lo Châtél (Das Schloß), pués por les novèles La Mètamorfôsa (Die Verwandlung) et La Colonie pènitencièra (In der Strafkolonie), Franz Kafka lèsse portant un’ôvra ples vâsta, caractèrisâ per un’atmosféra de chôche-vielye, du diâblo, que la burôcracia et la sociètât empèrsonèla ant tojorn més de prêsa dessus l’endividu. Hendrik Marsman dècrit quel’atmosféra coma una « objèctivitât franc bizârra ».