Vouiquipèdia:Lumiére dessus…/Fôrma de Montbréson
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo delon 24 de jouin 2024 tant qu’a la demenge 30 de jouin 2024.
La fôrma de Montbréson [ˈfur.ma də mɔ̃.bri.ˈzɔ̃] (la fourme de Montbrison en francês, la forma de Montbrison en occitan) est l’apelacion d’origina d’un fromâjo francês fabrecâ dempués lo VIIIémo siècllo dens les Hôtes Chârmes — una partia de les montagnes du Sêr — a més de 1 000 m d’hôt en Forês, surtot dens lo dèpartament de Lêre. Quél fromâjo a pâta pèrreselyêe vint d’una transformacion de lats de vache crus ou pâstorisâs et tire son nom de la vila de Montbréson. Quel’apelacion est comèrcialament presèrvâ per un’AOC dempués 1972 et un’AOP dempués 2010.
En 2018, la fôrma de Montbréson est enscrite a l’enventèro du patrimouèno culturâl imatèrièl en France et sus la lista du patrimouèno culturâl imatèrièl de l’UNÈSCÔ.