Vouiquipèdia:Lumiére dessus…/Dent de Morclles
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 26 de fevriér 2022 tant qu’u demécro 02 de mârs 2022.
La dent de Morclles [dɛː dɛ ˈmɔr.çʎə] (les dents de Morcles en francês) ou ben de cotema la Dent [dɛː] ’l est lo nom de doux cuchèts bessons — la Dent-de-Dèrriér [dɛː dɛ da.ˈrae] (la Grande Dent de Morcles en francês) qu’est 2 968 m de hiôt et la Dent-de-Devant [dɛː dɛ de.ˈvã] (la Petite Dent de Morcles en francês) qu’est 2 929 m de hiôt — des Ârpes bèrnêses.
La Dent sè trôve entre-mié lo quenton de Vôd et lo quenton du Valês, en-amont des Bins et du velâjo de Morclles. Lo cuchèt ôfre na bèla viuva sus les Ârpes valêsannes et pués les Chabllès valêsan et vôdouès. Per temps cllâr, apèrcèvont lo Lèman et lo Rôno que s’ècole dedens la pllanna prés de 2 500 mètros plles bâs. Mârque asse-ben lo comencement de la comba de Nant d’amont lo gllaciér des Martenèts, que pôt étre aventâ per lo colèt des Martenèts.