Vouiquipèdia:Lumiére dessus…/Dârfénât
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 30 d’octobro 2021 tant qu’u devendro 05 de novembro 2021.
Lo Dârfénât [do.fi.ˈna] (le Dauphiné [do.fi.ne] en francês, lo Daufinat ou ben lo Dalfinat en occitan) est na règ·ion historica et culturâla francêsa de lengoua arpetana et occitana, que s’apelâve dens lo temps lo Viènês (perce que Vièna fut en arriér la capitâla de tota cela vielye province viènêsa). Corrèspond ux três dèpartaments d’ora de l’Isera (les comenes rapondues u Rôno avouéc), de la Droma et de les Hiôtes-Ârpes et pués a la partia enversenche de les Valâdes occitanes. Ses capitâles côp sus côp érant d’abôrd la vela de Vièna et pués, dês lo XIIIémo siècllo, la vela de Grenoblo.
Los habitents de la règ·ion s’apèlont los Dârfénouès [lu do.fi.ˈnwɑː] et les Dârfénouèses [lø do.fi.ˈnwɑː.ze] en arpetan et pués los Daufinencs et las Daufinencas ou ben los Dalfinencs et las Dalfinencas en occitan.