Vouiquipèdia:Lumiére dessus…/Comèles-Vèrnê
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 7 d’octobro 2023 tant qu’u demârs 10 d’octobro 2023.
Comèles-Vèrnê [kɔ.ˈmɛl vaʀ.ˈnaː] (Commelle-Vernay [kɔ.mɛl vɛʁ.nɛ] en francês) est una cumena francêse et arpetana du Rouanês dedens los Forês et Biôjolês historicos, que sè trôve dens le dèpartement de Lêre en règion Ôvèrgne-Rôno-Ârpes.
La cumena vint de la fusion de doves vielyes paroches en 1840, Comèles et Vèrnê.
Los habitents du vilâjo s’apèlont los Comelouès [lo kɔ.mə.ˈlwa] et les Comelouèses [le kɔ.mə.ˈlwaːz] ou los Vèrnayots [lo vaʀ.na.ˈjø] et les Vèrnayotes [le vaʀ.na.ˈjøt].
Geografia[changiér lo tèxto sôrsa]
La cumena est sus la plana du Rouanês entre-mié le bôrd drêt de Lêre et Rins u cuer du Rouanês.
Le viely bôrg de Vèrnê sè trôve sus un èperon qu’est d’amont Lêre a la sortia de les gôrges et qu’est de l’ôtro lât de Vilarês.