Vouiquipèdia:Lumiére dessus…/Amimôna fôssa fllor de burro
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dejô 16 de jouin 2022 tant qu’u delon 20 de jouin 2022.
L’amimôna fôssa fllor de burro [a.mi.ˈmoː.na ˈfoː.sa fʎɔːr də ˈby.ro] (Anemone ranunculoides ; du grèco anemos : « vent » et pués ranunculoides perce que sa fllor ressemble a cela d’una renoncula) est na planta folyèrua pèrèna de la famelye de les renonculacês, du genro de les amimônes.
O est na planta pas râra des desot-bouescs frès a tèrra reche d’una granta partia de l’Eropa et de l’Asia.
El est avouéc cognua coment l’amimôna fôssa hèrba a burro [a.mi.ˈmoː.na ˈfoː.θa ˈɛr.ba a ˈby.ro] en friborgês et pués la risolèta jôna [ri.zɔ.ˈlɛ.ta ˈdzoː.na] en vôdouès.
Dèscripcion
[changiér lo tèxto sôrsa]Semble brâvament a l’amimôna des bochalèts (vêre la dèscripcion de cel’èspèce) mas s’en distingue facilament per ses pètâles jônes. Cél caractèro fât pensar a na fllor de burro de la benda des botons d’or. Mas les fllors de burro ant na tige a fôlyes et pués des sèpâles vèrdes (caliço) desot les pètâles (ou ben les tèpâles).