Vouiquipèdia:Lumiére dessus…/Âra
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês la demenge 7 de janviér 2024 tant qu’u dejô 11 de janviér 2024.
L’Âra [ˈɒː.ra] (die Aare [ˈaː.ʁə] en alemand, d Aare en tuche, l’Aar [a.ɑʁ] ou ben [aʁ] en francês, l’Aar en étalien, l’Ara [ˈaː.rɐ] en roumancho) ’l est la plles longe reviére que cole a chavon en Suisse. Sa longior grôssa ’l est de 288 km, la rependua ’l est de 1 665 m, son bassin vèrsent ’l est de 17 709 km2 et lo dèbit moyen ’l est de 525 m3/s (a Untersiggenthal, en 2019). L’Âra ’l est un aflluent de riva gôche du Rin que ’l est lo plles recho en égoue, devant la Mosa et lo Hiôt-Rin lui-mémo, et pués transpôrte més d’égoue que la Mosèla et lo Men tués ensembllo.
Dens lo temps, marcâve la frontiére lengouistica entre-mié lo viely arpetan et lo viely tuche devant la poussâ des Alamans vers la frontiére lengouistica d’ora.