Sâgèt (lengoua)

Cél articllo est ècrit en arpetan supradialèctâl / ORB lârge.

Sâgèt lengoua sâgèta
[sɑ.ˈdʒɛ], [ˈlã.ɡa sɑdʒ.ˈta]
Payis	France
Règion	Franche-Comtât : Rèpublica libra du Sâgèt
Tipologia	silabica
Cllassement per famelye
- lengoues endo-eropèènes - lengoues étaliques - lengoues latino-falisques - latin - latin vulguèro - lengoues romanes - lengoues romanes cuchientenches - lengoues galo-romanes - arpetan - arpetan levantenc - sâgèt
Mapa
Localisacion du cârro lengouistico du sâgèt en Eropa

Lo sâgèt [sɑ.ˈdʒɛ] ou ben la lengoua sâgèta [ˈlã.ɡa sɑdʒ.ˈta] est un dialècto de la lengoua arpetana prègiê adés dedens lo payis du Sâgèt dens lo Hôt-Dubs en Franche-Comtât coment lengoua de payis. Lo sâgèt est la lengoua nacionâla de la Rèpublica libra du Sâgèt, micronacion nèssua en 1947 d’una blaga.

Lo dialècto sè difèrencie fôrt d’ôtros patouès arpetans comtês, que seyont burgondans ou ben jurassiens, mas étot du franc-comtês prègiê a Besençon, Bâlma ou ben Vesôl, qu’est na lengoua d’oly. D’aprés lo lengouisto Domenico Stich, fôt y vêre la portâ des colons vegnus du Valês, des Gresons et de Savouè que rèpondéront a l’apèl a Hombèrt de Ciês, arcevèco de Besençon, que souhètat en 1150 qu’èssartéssont lo cârro.

O est por cen qu’y at prod de ressemblences entre lo sâgèt et lo valêsan ou ben lo savoyârd (lo vâldoten avouéc), et d’ôtra pârt de grôsses difèrences avouéc los patouès de les comenes vesenes de cél cârro comtês.

L’himno du Sâgèt composâ en 1910 per lo chanouèno Josèt Bobelyér de L’Abayie, que contint 8 coplèts, est tot ècrit en sâgèt.

Caractèristiques

Rotacismo de la lètra « n » entèrvocalica

D’aprés n’ètuda a Rémy Bôle-Richard, yona de les caractèristiques de la lengoua sâgèta est lo rotacismo du « n » entèrvocalico en « r », cen que — aprés èlision de la voyèla devant — balye por lo mot supradialèctâl lena la fôrma lera en sâgèt. D’ense, ils ant étot terir por tenir (= tegnir), meruta por menuta, manterent por *mantenent (= ora) et veru por venu (= vegnu).

Doux-três mots et noms d’endrêt (a complètar)

• Quârques mots d'ense: Comœnes [CFLL : Kmœr], Comenes, Monsiœr [CFLL : Monsieu], Monsior, Chevaliér [CFLL : Tsvâlii], Passâ [CFLL : Pèsè],
• Quârques endrêts d'ense: Sôgèt [CFLL : Sâdjè], France [CFLL : Frans], Savouè [CFLL : Savœ], Hiôta-Savouè [CFLL : Âta-Savœ], Vâl d'Aoûhta [CFLL : Vâ d'Aost], Suisse [CFLL : Sutch],

Ègzemplo (a complètar)

Èxtrèt de l’himno du Sâgèt :

Tèxto originâl (Grafia patouèsanta)	En lengoua sôgèta (Grafia normalisâ)	Traduccion en francês
Les Sadjets ant dans yeu gairgueuta Des mouts qu’nion n’saît, cman yeu, rdâtai. L’an pairki cmant na pteta rota qu’a toudj’ loulzi d’let sacrôlai : La tsîra qu’ minre, la lra que rlut, La tsrâ, la creuille, lou daidjuron, Lou dzreu d’la dzrensse, lou tsri qu’est tru... Y a d’quet aipouairie lèz Larmond !	Les Sôgets ant dens lor gargota Des mots que nion ne sât, coment llor, radotar. Ils ant per-qué coment na rata qu'at tojorn lo lèsir de les segrolar : La chiévra que mêne, la lena que breluit, La chenâl, la cologne, lo dèjonon, Lo genoly de la gerinche, lo cabri qu'est tenu... Y at de què èpoueriér les Larmond !	Les Saugets ont dans leur gosier Des mots que personne ne sait, comme eux, rouler. Ils ont par là comme une petite souris Qui a toujours le loisir de les secouer : La chèvre qui « mène », la lune qui brille, Le chéneau, la quenouille, le déjeuner, Le genou de la génisse, le cabri qui est tenu... Il y a de quoi épouvanter les « Larmond ».