Monuments historicos

De Vouiquipèdia, l’enciclopèdia abada.
Aller à la navigation Aller à la recherche

Un monument historico est un imôblo ou un objèt mobiliér recevent un statut juridico particuliér dèstinâ a l'emparar, porce qu'il at un entèrèt historico, artistico, architèctural mas asse-ben tècnico ou scientifico.

En France doux nivéls d'empâra ègzistont : un monument pôt étre « cllassiê » ou « enscrit » permié los monuments historicos. L'enscripcion (déta tant qu'en 2005 « a l'enventèro suplèmentèro des monuments historicos ») est una empâra des monuments presentant un entèrèt remarcâblo a l'èchiéla règionala, u contrèro du cllassement, emparant los monuments presentant un entèrèt a l'èchiéla de la nacion et que constitue d'ense lo més hôt nivél d'empâra.

En Suisse ègziste na louè d'empâra u nivél fèdèrâl mas los cantons pôvont asse-ben étre amenâs a règllamentar, cen que cèrtins de lor avant ja fêt ben avant la publecacion de ceta louè. De tota maniére l'articllo 78 de la Constitucion fèdèrâla pôse lo principo que l'empâra du patrimouèno est d'abôrd na compètence cantonâla. Cen qu'at pas betâ defôr l'ègzistence d'"objèts d'importance nacionâla".

En Étalia on pârle pletout de "monument nacionâl", que recêt un statut d'empâra particuliér.

Lo châtél d'Ènneci cllassiê monument historico en 1959

Vêre avouéc[changiér | changiér lo tèxto sôrsa]