Louè

De Vouiquipèdia, l’enciclopèdia abada.
Aller à la navigation Aller à la recherche

U sens lârjo, na louè ou (du latin lex) est na disposicion normativa et abstrèta posant na règlla juridica d'aplicacion oblegatouèra. On distingue d'un lât, les louès constitucionèles que dèfenéssont los drêts fondamentals, fixont l'organisacion des povêrs publicos et los rapôrts entre lor, les louès organiques que structuront les enstitucions de la Rèpublica et porvèyont ux fonccions des povêrs publicos (p. è. lo statut de la Magistratura) et de l'ôtro lât, les louès ordinères.

U sens formèl, la louè est na disposicion prêsa per na dèlibèracion du Parlement (en France et Étalia Assemblâ nacionâla / Chambra des dèputâs et Sènat) per oposicion u règllament qu'est èmetu per yona des ôtoritâts administratives uxquintes les louès constitucionèles ant balyê un povêr règlamentèro.

En filosofia, lo tèrmeno de louè at doux usâjos majors : pratico, yô el corrèspond a la nocion de règlla, et scientifico, yô el relève de la nècèssitât. En science, la louè dèsigne un rapôrt envariâblo entre doux ou plusiors fenomènos.