Aller au contenu

Cudrefin

De Vouiquipèdia, l’enciclopèdia abada.
Cél articllo est ècrit en arpetan romand / ORB lârge. L’armoueria de la Suisse


Cudrefin est una comena et una velèta suissèssa et arpetana du quenton de Vôd.

La situacion de Cudrefin, dedens lo destrict de la Brouye-Vulyi.

Toponimia[changiér | changiér lo tèxto sôrsa]

Lo nom d’endrêt qu’est ècrit «Curlefin» dedens un document du rê de Borgogna Rodolfo III de 999,[1][2] vint d’una composicion du mot côrt et pués lo nom de pèrsona gèrmanico (burgondo) Wulfin.

G·eografia[changiér | changiér lo tèxto sôrsa]

Ele sè trôve dedens lo District de la Brouye-Vulyi, a la riva du Lèc de Nôchâtél et desot la montagne de Vulyi. Ele comprend los velâjos de Montet, et asse-ben de Champartin, anciana comuna fusionâye en 2002 avouéc cela de Cudrefin.

A l’endrêt La Sôge, vers la frontiére a bise de la comena, cambe un pont de la rota règ·ionâla lo Canâl de la Brouye. Doux pôrts sont construits, prés Cudrefin, dedens lo Lèc de Nôchâtél. A la riva sè trôve lo grant endrêt de campismo de Cudrefin.[3]

Lo tèrritouèro de Curdefin est lo plés a bise dedens lo quenton de Vôd, et pués a la frontiére avouéc los quentons de Fribôrg et de Bèrna, et, u méten du lèc, lo Canton de Nôchâtél..

G·eografia lengouistica[changiér | changiér lo tèxto sôrsa]

U nord-levant de Cudrefin est una partia de la frontiére lengouistica de l’Arpetan – et pués enqu’houé lo francês – vers lo cârro lengouistico du Tuche.

Natura[changiér | changiér lo tèxto sôrsa]

La riva du lèc de Nôchâtél est bordâye per una vasta ètendua de bouesc et de sagnes, avouéc doux-três sèrves, de granta emportence por les uséls. Nomâye «Les Grèves» et «Chablès de Cudrefin», fât partia de la règ·ion «Granta Cariçè»[4] ou ben «Camârga petiôta» qu’est una granta resèrva naturèla cllassâye «endrêt Ramsar» et «Important Bird Area IBA Schweiz Suisse Svizzera Switzerland», et que pués est un «payisâjo d’emportence nacionâla».[5] Prés La Sôge est enstâlâ, dês 2001, lo «Centro-natura BildLife».[6]

Émâges[changiér | changiér lo tèxto sôrsa]

Lims de defôr[changiér | changiér lo tèxto sôrsa]

{{{tèxto}}}

Notes[changiér | changiér lo tèxto sôrsa]

  1. Jean-Daniel Morerod : L’Église du Valais et son patrimoine dans le diocèse de Lausanne. Contribution à une préhistoire des évêchés romands. Dedens : Vallesia, 1999, p. 137–160.
  2. Rudolf Schieffer : Die Urkunden der Burgundischen Rudolfinger. München 1977, p. 237, no. 86.
  3. Cudrefin Camping communal, sus camping-cudrefin.ch
  4. Grande Cariçaie
  5. Rive sud du lac de Neuchâtel, sus birdlife.ch
  6. Centre-Nature BirdLife de La Sauge