Champegnon

De Vouiquipèdia, l’enciclopèdia abada.
Cél articllo est ècrit en arpetan supradialèctâl / ORB lârge. Lo blâson panarpetan


Champegnons
Amanita muscaria
Classificacion systèmatica
Règno Fungi
Taxons de rang enfèrior

Divisions :

Los Champegnons fôrmont un règno de la biologia. Grant-temps considèrâs coment fasent partia des plantes, ils sont en rèalitât més prôchos des bétyes. On en cognêt més de 100 000 èspèces, mas ceti nombro s'acrêt franc vito.

On pôt dèfenir los champegnons coment des étres ecariotos, normalament multicèlulèros (avouéc de râres èxcèpcions coment les levures), dèporvus de clorofila, fixâs et que trèséssont lor nurretera. Des mouéls vivont sot fôrma filamentosa (lo micèlion), dificilo ou empossiblo a vêre, que fât des orgânos reproductors des côps de granta talye (amanites, bolêts, bèrgoules...).

Remârca linguistica

Lo mot normal en arpetan por dèsignér un champegnon serêt bolêt (latin: boletus); on lo retrove d'alyor en catalan, occitan et roumancho. Pas-muens, sot l'enfluence du francês et de l'italien, asse-ben a travèrs lo latin scientifico, lo mot bolêt est resèrvâ a una tropa ben particuliére de champegnons. On accèpterat donc ceti dèrriér mot, prôcho du francês champignon et employê diens prod de dialèctos, por dèsignér l'ensemblo du règno d'étres vivents.