Rotèrdame
|
Cél articllo est ècrit en arpetan supradialèctâl / ORB lârge. | 
|
Rotèrdame (en nêrlandês : Rotterdam) est na vela portuèra et comena nêrlandêsa, que sè trôve en Holanda-Miéjornâla. Sos habitents sont los Rotèrdamouès.
U 1ér de janviér 2013, la comena comptâve 631 155 [1] habitents (vers los 1 200 000 en l’agllomèracion). Son agllomèracion fât partia de la conurbacion de la Randstad Holland (7 100 000 habitents entre Amstèrdame, Haarlem, L’Hage, Dordrèct et Utrèct).
Rotèrdame est la seconda vela des Payis-Bâs aprés Amstèrdame. Reprèsente lo côr endustriâl du payis, et profite d’una posicion g·eografica stratègica, a la gola du Rin et de la Môsa et prôche du pâs de Calès que sèpâre la Mange et la mar de Bise. D’ense, el est lo dèbouchiê èconomico de totes les Alemagnes du cuchient, la règ·ion la ples dinamica d’Eropa.