Vouiquipèdia:Lumiére dessus…/Tacito
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dejô 03 d’oût 2023 tant qu’u delon 07 d’oût 2023.
Tacito [ta.ˈsi.to] (Pūblĭus Cornēlĭus Tăcĭtus Cæ(cīna Pætus) [ˈpuː.bli.us kor.ˈneː.li.us ˈta.ki.tus kae̯.ˈkiː.na ˈpae̯.tus] en latin), vegnu u mondo entre-mié los ans 54 et 58 en Gôla narbonêsa et môrt vers 120 ap. J.-C. dens ‘n endrêt encognu de l’Empiro romen, ére ‘n historien, filosofo et cossiôl qu’il at ben reussi coment sènator romen dens la hiôta administracion empèriâla.
Coment son ami Plinio lo Joueno, il ére un grant orior brilyent et renomâ, et pués il ére asse-ben un grant ècriven pendent son vivent que ses três ôvres les ples importantes sont los Anâls, la Via d’Agricola et les Histouères, cronica du temps des quatro emperors julio-gllôdiens aprés Ôgusto.