Vouiquipèdia:Lumiére dessus…/Sant-Martin-la-Sârvetât
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demécro 17 d’avril 2024 tant qu’u dessando 20 d’avril 2024.
Sant-Martin-la-Sârvetât [sã mɒʀ.ˈtẽ la sɒʀv.ˈtɒ] (Saint-Martin-la-Sauveté [sɛ̃ maʁ.tɛ̃ la sov.te] en francês) ou de cotuma Sant-Martin [sã mɒʀ.ˈtẽ] est una comuna francêse et arpetana du Rouanês dens le Forês historico, que sè trôve dens le dèpartament de Lêre en règion Ôvèrgne-Rôno-Ârpes.
Los habitents du vialâjo ant nom le mondo de vers Sant-Martin [lə ˈmɔ̃.dɔ d‿ve sã mɒʀ.ˈtẽ].
Geografia[changiér lo tèxto sôrsa]
Le bôrgo de la comuna sè trôve a 667 m de hiôt sus un replat qu’est sus los dèrriérs contrefôrts de les montagnes du Sêr entre-mié l’Ès a la bise et l’Anzon a la médie en Rouanês.