Vouiquipèdia:Lumiére dessus…/Rochiér nêre
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dejô 22 d’oût 2024 tant qu’a la demenge 25 d’oût 2024.
Lo Rochiér nêre (du latin Rupes Nigra) ou ben la Montagne magnètica (de l’alemand der Magnetberg) est n’ila fantôma montagnosa de 53 km de long, fêta de roche nêre magnètica, que sè crèyéve que sè trovâve u polo Nord magnètico. L’ègzistence de cel’ila prètegnéve èxplicar porquè totes les boussoles pouentâvont a cél endrêt.
L’idê est aparua dedens n’ôvra pèrdua qu’at nom Inventio Fortunate d’origina pas de sûr, que dâte probâblament du XIVémo siècllo, et pués l’ila aparêt dessus les mapes du XVIémo et XVIIémo siècllos a côsa de son importanta portâ, celes de Gérârd Mèrcator et sos succèssors avouéc.