Vouiquipèdia:Lumiére dessus…/Mentuye
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 1ér de julyèt 2023 tant qu’u demârs 04 de julyèt 2023.
La Mentuye [mɛ̃.'ty:.jə] (la Menthue ou ben la Mentue en francês) ’l est un fllon suisso du quenton de Vôd en Arpetania.
Prend sôrsa dens lo bouesc du Jorat, crose per la molaça du pllatél tant qu’a l’endrêt La Morguèta et pués s’acuelye u lèc de Nôchâtél per vers Évuenant.
Hidronimia[changiér lo tèxto sôrsa]
Trôvont lo nom Mentuye por lo premiér viâjo en 1230. ’L est possiblo que la fôrma plles ancianna ére Mentive — Mentégoue en ORB lârge — cen vôt a dére « égoue que travèrse les sèx », mas que ’l at z-yu étâ changiêe en Mentuye per mètatèsa ou ben èpêr per unna fôta de copisto u Moyen Âjo.