Vouiquipèdia:Lumiére dessus…/Jorn de l’an
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 31 de dècembro 2022 tant qu’a la demenge 1ér de janviér 2023.
Lo jorn de l’an [ˌdzɔr.də.ˈl‿ã,
ˌðɔ.də.ˈl‿ã,
ˌʒɔr.də.ˈl‿ã] ou [ˌdzɔʀ.də.ˈl‿ã,
ˌʒɔʀ.də.ˈl‿ã] — diont pletout lo bon-an [bɔ.ˈnã] en Romandia — ou ben l’an novél [ˌã.nɔ.ˈve] est lo premiér jorn de l’an. Per èxtension lo tèrmo dèsigne asse-ben les cèlèbracions de ceti premiér jorn de l’an.
Coment tota dâta anivèrsèra sus un calendriér balyê, lo jorn de l’an pôt étre na dâta bugeniére sus ‘n ôtro calendriér que fonccione d’aprés n’ôtra logica. Per ègzemplo, lo jorn de l’an du calendriér chinouès (leni-solèro) est na dâta bugeniére sus lo calendriér grègorien (solèro).
Rêsons de la cèlèbracion
[changiér lo tèxto sôrsa]Dens la filosofia modèrna, por Mircea Eliade, la cèlèbracion du jorn de l’an corrèspond u renovèlament que sè fât tôs los ans de la cosmogonia de les origines, que retrôvont dens totes les civilisacions primitives, et pués que pèrmèt de retrovar la plènituda du mondo primitif.