Vouiquipèdia:Lumiére dessus…/Colonges (Payis de Gês)
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês la demenge 31 de mârs 2024 tant qu’u dejô 4 d’avril 2024.
Colonges [kɔ.ˈlɔ̃.ðə] (Collonges [kɔ.lɔ̃ʒ] en francês) est na comuna francêsa et arpetanna du payis de Gês, que sè trôve diens le dèpartament de l’En en règion Ôvèrgne-Rôno-Ârpes.
Los habitents du velâjo ant nom los Colongês [lo kɔ.lɔ̃.ˈðe] et les Colongêses [le kɔ.lɔ̃.ˈðeː.zə].
Geografia[changiér lo tèxto sôrsa]
Le bôrg de la comuna sè trôve a 495 m de hiôt sus na penta u pied de la Hiôta-Chênna du massis du Jura drêt desot le Grant Crét d’Ârp et pués en-dessus la riva drêta du Rôno diens le payis de Gês, prés de l’entrâ levantenche du golèt de l’Ècllusa.